ఇండియానాలో కూలిన విమానం, ముగ్గురు మృతి

- December 17, 2017 , by Maagulf
ఇండియానాలో కూలిన విమానం, ముగ్గురు మృతి

విమాన ప్రమాదంలో ముగ్గురు మృతిచెందిన సంఘటన అమెరికాలోని ఇండియానా రాష్ట్రం మిడ్‌వెస్ర్టన్‌లో జరిగింది. విమానం మిస్సౌరీలోని కాన్సాన్‌ నగరం నుంచి మేరీలాండ్‌లోని ఫ్రెడరిక్‌కు వెళ్తుండగా ఈ ఘటన చోటుచేసుకుంది. ఈఘటనలో ముగ్గురు వ్యక్తులతో పాటు ఓ శునకం కూడా చనిపోయింది. మరో శునకం అదృష్టవశాత్తూ గాయాలతో బయటపడింది.

ఆ శునకాన్ని పోలీసు అధికారులు దగ్గరలోని వెటర్నరీ ఆసుపత్రికి తరలించి చికిత్స అందిస్తున్నారు. మృతుల వివరాలను పోలీసు అధికారులు ఇంకా వెల్లడించలేదు. ప్రమాదానికి గురైన విమానానికి ఒక ఇంజిన్‌ మాత్రమే ఉన్నట్లు పోలీసులు తెలిపారు. ఈ ఘటనపై  కేసు నమోదు చేసి విచారణ చేస్తున్నట్లు చెప్పారు.

Click/tap here to subscribe to MAAGULF news alerts on Telegram
   
Copyrights 2015 | MaaGulf.com