Car stolen from parking ground
పార్కింగ్‌ గ్రౌండ్‌ నుంచి కారు దొంగతనం

మనామా:యతీమ్‌ సెంటర్‌ వద్ద పార్కింగ్‌ గ్రౌండ్‌ నుంచి ఓ వాహనాన్ని గుర్తు తెలియని వ్యక్తి దొంగిలించాడు. సాయంత్రం 5.45 నిమిషాలకు ఈ దొంగతనం జరిగింది. యతీమ్‌ సెంటర్‌, మనామాలో తన కారుని పార్క్‌ చేశాననీ, పక్కనే ఉన్న ప్రాంతానికి పేమెంట్‌ కోసం వెళ్ళాననీ, ఈ క్రమంలో గుర్తు తెలియని వ్యక్తి ఒకరు తన కారులోకి దూసుకెళ్ళి, దాన్ని డ్రైవ్‌ చేసుకుంటూ వెళ్ళిపోయాడని కారు ఓనర్‌ మొహమ్మద్‌ అజమ్మల్‌ పేర్కొన్నారు. బాబ్‌ అల్‌ బహ్రెయిన్‌ పోలీస్‌ స్టేషన్‌లో బాధితుడు పిర్యాదు చేయడం జరిగింది. 513204 నంబర్‌ గల గ్రే కలర్‌ టయోటా కరోలా కారు దొంగతనానికి గురయ్యింది.