దుబాయ్‌:దుబాయ్‌ మునిసిపాలిటీ, డిపార్ట్‌మెంట్‌ ఆఫ్‌ సేఫ్టీ డైరెక్టర్‌ ఇంజనీర్‌ రిదా సల్మాన్‌, దుబాయ్‌లోని చిన్నారుల తల్లిదండ్రులకు 'స్లైమ్' టాయ్స్‌పై హెచ్చరికలు జారీ చేశారు. ఈ టాయ్స్‌లో టాక్సిక్‌ కెమికల్స్‌ ఉంటాయని, అవి పిల్లల ఆరోగ్యంపై తీవ్ర ప్రభావం చూపుతాయని ఆయన తెలిపారు. ప్రస్తుతం మూడు రకాలైన స్లిమె టాయ్స్‌ అందుబాటులో ఉన్నాయి. మొదటి రకం సహజసిద్ధమైన మెటీరియల్స్‌తో తయారు చేస్తారనీ, అవి ప్రమాదకరం కావని ఆయన వివరించారు. రెండో రకం టాయ్స్‌ని బేబీ పౌడర్‌, గ్లూ మరియు వాటర్‌తో తయారు చేస్తారనీ ఇవి తక్కువ టాక్సిక్‌ ప్రభావం కలిగి ఉంటాయనీ, మూడో రకం మాత్రం బోరాక్స్‌, లాండ్రీ డిటర్జెంట్‌, గ్లూ, వాటర్‌ మరియు కలరింగ్‌ ఏజెంట్స్‌తో తయారు చేస్తారనీ, అవి అత్యంత విషపూరితమైనవని మునిసిపాలిటీ పేర్కొంది.