బీచ్‌లు, పార్కుల్లో డ్రైవింగ్‌ని నిషేధించిన మస్కట్‌

- March 28, 2018 , by Maagulf
బీచ్‌లు, పార్కుల్లో డ్రైవింగ్‌ని నిషేధించిన మస్కట్‌

మస్కట్‌: బీచ్‌లు, పార్కుల్లో వాహనాల డ్రైవింగ్‌ని నిషేధిస్తూ మస్కట్‌ మునిసిపాలిటీ నిర్నయం తీసుకుంది. రాయల్‌ ఒమన్‌ పోలీస్‌తో కలిసి ఈ విషయమై ఎప్పటికప్పుడు అవగాహనా కార్యక్రమాలు చేపట్టడమే కాకుండా, ఉల్లంఘనలపై కఠిన చర్యలు తీసుకుంటామని అధికారులు చెబుతున్నారు. మస్కట్‌ మునిసిపాలిటీ డైరెక్టర్‌ జనరల్‌ ఇంజనీర్‌ బదర్‌ బిన్‌ అలి అల్‌ బహ్రి మాట్లాడుతూ, సీబ్‌ బీచ్‌కి సంబంధించి పలు ప్రాంతాల్లో కాంక్రీట్‌ బారియర్స్‌ని ఏర్పాటు చేసి, వాహనాల ప్రవేశానికి అడ్డుకట్ట వేసినట్లు తెలిపారు. బీచ్‌లో నడుస్తూ వెళ్ళేవారికి ఈ వాహనాలు ప్రమాదకరంగా తయారవుతుండడం వల్లనే డ్రైవింగ్‌ నిషేధించినట్లు ఆయన చెప్పారు. బీచ్‌ పొడవునా, డ్రైవింగ్‌ నిషేధానికి సంబంధించి హెచ్చరిక బోర్డుల్ని ఏర్పాటు చేశారు.

Click/tap here to subscribe to MAAGULF news alerts on Telegram
   

తాజా వార్తలు

- మరిన్ని వార్తలు

Copyrights 2015 | MaaGulf.com