'కృష్ణార్జున యుద్ధం' ట్రైలర్ విడుదల

- March 31, 2018 , by Maagulf
'కృష్ణార్జున యుద్ధం' ట్రైలర్ విడుదల

నేచురల్ స్టార్ నాని 21వ చిత్రం 'కృష్ణార్జున యుద్ధం'. ఇందులో కృష్ణుడు, అర్జునుడు కూడా నానియే. నాని ద్విపాత్రాభినయం చేస్తున్న ఈ సినిమాను మేర్లపాక గాంధీ తెరకెక్కించారు. వెంకట్ బోయనపల్లి నిర్మించిన ఈ సినిమాకు హిప్ హాప్ తమిజా సంగీతం సమకూర్చారు. నాని, గాంధీ ఇద్దరూ సక్సెస్‌ఫుల్ ఫామ్‌లో ఉండడంతో ఈ సినిమాపై భారీ అంచనాలు నెలకొన్నాయి. ఇప్పటికే విడుదలైన చిత్ర ఫస్ట్ లుక్, టీజర్ ప్రేక్షకులను బాగా ఆకట్టుకున్నాయి. తాజాగా చిత్రానికి సంబంధించిన ట్రైలర్ విడుదల చేసింది చిత్ర యూనిట్.

2 నిమిషాల 8 సెకన్ల నిడివితో విడుదలైన ఈ ట్రైలర్‌లో నాని తెగ హంగామా చేశారు. ఈ ఊళ్లో కృష్ణ అంటే ఎవరు?. అందరి వెంటపడి ప్రపోజ్ చేస్తాడట కదా! అంటూ ప్రారంభమైన ఈ ట్రైలర్ ఆధ్యంతం ఆకట్టుకుంటూ సాగిపోతోంది. పల్లెటూరి కుర్రోడిగా కృష్ణ రూపంలో కన్పించిన నాని రాక్ స్టార్‌గా అర్జున్ రూపంలో కన్పిస్తున్నాడు. మొత్తానికి ఈ ట్రైలర్ సినిమాపై భారీ అంచనాలను క్రియేట్ చేసింది. ఏప్రిల్ 12న సినిమా ప్రేక్షకుల ముందుకు రానుంది.

Click/tap here to subscribe to MAAGULF news alerts on Telegram
   

తాజా వార్తలు

- మరిన్ని వార్తలు

Copyrights 2015 | MaaGulf.com