ట్రంప్ ఆంక్షలు.. పుతిన్ వార్నింగ్

మాస్కో : సిరియా.. దాని మిత్ర పక్షాలపై ఆంక్షలు విధించే దిశగా అమెరికా అడుగులు వేస్తున్న తరుణంలో రష్యా తీవ్ర హెచ్చరికలు జారీ చేసింది. సిరియాపై మరోసారి దాడులకు తెగ బడితే చూస్తూ ఊరుకోబోమన్న రష్యా అధ్యక్షుడు వ్లాదిమిర్ పుతిన్ .. ఆంక్షల దిశగా అగ్రరాజ్యం అడుగులు వేస్తే తీవ్ర పరిణామాలు ఉంటాయని హెచ్చరించారు.
సిరియా పరిణామాలపై ఇరాన్ అధ్యక్షుడు హసన్ రౌహనీతో ఫోన్లో మాట్లాడిన పుతిన్.. ఆంక్షల నిర్ణయంపైనే ప్రధానంగా చర్చించినట్లు తెలుస్తోంది. ‘సిరియాపై పశ్చిమ దేశాల దాడులు.. శాంతి చర్చలకు విఘాతాన్ని కలిగించేవిగా ఉన్నాయని పుతిన్-రౌహనీ అభిప్రాయపడ్డారు. ఆంక్షలు యూఎన్ ఛార్టర్ను ఉల్లంఘించేవిగా ఉంటే మాత్రం అంతర్జాతీయంగా తీవ్ర ప్రతికూలతను అమెరికా ఎదుర్కోవాల్సి ఉంటుందని ఇరువురు నేతలు భావిస్తున్నారు. ఆంక్షలపై తక్షణమే అమెరికా వెనక్కి తగ్గాలని పుతిన్ డిమాండ్ చేస్తున్నారు’ అని క్రెమ్లిన్(రష్యా అధ్యక్ష భవనం) ఆదివారం ఓ ప్రకటన విడుదల చేసింది.
ఇదిలా ఉంటే అమెరికా మాత్రం ఆంక్షల విషయంలో వెనక్కి తగ్గేలా కనిపించటం లేదు. సిరియాకు రసాయనిక ఆయుధాల సరఫరాను చేస్తున్న సంస్థలను(అందులో రష్యాకు చెందినవి కూడా ఉన్నాయన్నది ప్రధాన ఆరోపణ) దృష్టిలో ఉంచుకునే తాము ఆంక్షలు విధించినట్లు ఐరాస అమెరికా రాయబారి నిక్కీ హేలీ ప్రకటించారు. ఇదిలా ఉంటే ఏప్రిల్ 7వ తేదీన డౌమా పట్టణంలో జరిగిన విష వాయు ప్రయోగంలో పదుల సంఖ్యలో(లెక్క స్పష్టంగా తేలలేదు) మృత్యువాత పడ్డారు. దీనికి వెనుక సిరియా అధ్యక్షుడు బషర్ అల్ అసద్ ప్రమేయం ఉందని.. జరిగింది రసాయనిక దాడులేనని ఆరోపిస్తూ అమెరికా-ఫ్రాన్స్-యూకే దళాలు శనివారం డమాస్కస్ పట్టణంపై విరుచుకుపడ్డాయి. ఈ నేపథ్యంలో అమెరికా చేష్టలను రష్యా.. దాని మిత్ర పక్షాలు తీవ్రంగా ఖండించాయి.
తాజా వార్తలు
- మస్కట్:వలస మహిళ హత్య కేసులో నిందితురాలి అరెస్ట్
- అబుదాబి:హైపర్ లూప్పై ఆర్టిఎ ప్రకటన
- దొంగిలించిన డీజిల్ అమ్మకాలు: ఇద్దరు వలసదారుల అరెస్ట్
- షార్జాలో భారత మహిళ హత్య
- జయ సమాధి తవ్వడం తప్పదా..?
- న్యూస్ ఛానెల్స్ ను దెబ్బ తీసిన చంద్రబాబు ధర్మ దీక్ష..!
- 20 గంటల పాటు నాన్స్టాప్ విమాన ప్రయాణం..
- అసలే మ్యాచ్ పోయింది. ఆపై రూ.12 లక్షల ఫైన్
- బ్రేకింగ్: ఘోర ప్రమాదం...ట్రైన్ ఢీకొట్టడంతో 13 మంది పిల్లలు మృతి
- నాడు లండన్ 'ఆక్స్ఫర్డ్' యూనివర్శిటీలో ఫ్రొఫెసర్.. నేడు ఢిల్లీ వీధుల్లో..
- విమాన ప్రయాణికులకు జెట్ ఎయిర్వేస్ బంపర్ ఆఫర్?
- హైదరాబాద్ తో సిస్టర్ సిటీ అగ్రిమెంటుకు రెడీ