బహ్రెయిన్:హై క్రిమినల్‌ కోర్టు ముగ్గురు బహ్రెయినీలకు జైలు శిక్ష విధించింది. డ్రగ్స్‌కి బానిసలైనందుకుగాను వీరికి న్యాయస్థానం శిక్షలు ఖరారు చేసింది. వీరిలో 40 ఏళ్ళ వ్యక్తిపై డ్రగ్స్‌ అమ్ముతున్నట్లుగా కేసులు నమోదు కాగా, ఆ తర్వాత ఆ కేసుల్ని కొట్టివేశారు. పోలీసులకు డ్రగ్స్‌కి సంబంధించిన సమాచారం అందించినందుకుగాను అతనిపై ఆ కేసులు రద్దు చేయడం జరిగింది. ఏడాది జైలు శిక్ష, 500 బహ్రెయినీ దినార్స్‌ జరీమానాను న్యాయస్థానం 'డ్రగ్స్‌ అడిక్ట్‌' అభియోగాల నేపథ్యంలో విధించడం జరిగింది. 37 ఏళ్ళ వ్యక్తికీ ఇదే శిక్ష విధించింది. మూడో వ్యక్తికి మాత్రం 3,000 బహ్రెయినీ దినార్స్‌ జరీమానా, ఐదేళ్ళ జైలు శిక్షను విధించింది.