ఇరాన్‌ అణు ఒప్పందానికి కట్టుబడ్డాం : తేల్చి చెప్పిన రష్యా, చైనా

- August 18, 2018 , by Maagulf
ఇరాన్‌ అణు ఒప్పందానికి కట్టుబడ్డాం : తేల్చి చెప్పిన రష్యా, చైనా

మాస్కో : ఇరాన్‌ అణు ఒప్పందానికి కట్టుబడి వుంటామని రష్యా, చైనా స్పష్టం చేశాయి. అమెరికా కొత్త ఆంక్షల నేపథ్యంలో ఇరాన్‌తో తమ సంబంధాలను, సహకారాన్ని కొనసాగిస్తామని తెలిపాయి. 2015లో కుదిరిన సంయుక్త సమగ్ర కార్యాచరణ ఒప్పందం (జెసిపిఓఎ) పూర్తి స్థాయి అమలుకు, ఒప్పందాన్ని పరిరక్షించేందుకు అవసరమైన అన్ని చర్యలు తీసుకుంటామని రష్యా విదేశాంగ మంత్రిత్వ శాఖ ఒక ప్రకటనలో పేర్కొంది. ఇరాన్‌ అణు ఒప్పందం అవసరాలకు అనుగుణంగా రష్యా అణు ఇంధన సహకార సంస్థ పలు ప్రాజెక్టులు చేపడుతోందని తెలిపింది. అణు ఇంధన శాంతియుత ప్రయోజనాల కోసం నిర్దిష్ట రంగాల్లో ఇరాన్‌కు సహకారం అందిస్తామని రష్యా హామీ ఇచ్చింది. చైనా విదేశాంగ మంత్రి వాంగ్‌ యీ విడిగా ఒక ప్రకటన చేస్తూ ఇరాన్‌తో తమ సంబంధాలు, సహకారం యధావిధిగా కొనసాగుతాయని తెలిపారు. ఇరాన్‌ విదేశాంగ మంత్రితో ఫోన్‌లో మాట్లాడిన వాంగ్‌, ఈ ఒప్పందం అంతర్జాతీయ మానవాళి ఉమ్మడి ప్రయోజనాలకు అనుగుణంగా వుందన్నారు.

Click/tap here to subscribe to MAAGULF news alerts on Telegram
   

తాజా వార్తలు

- మరిన్ని వార్తలు

Copyrights 2015 | MaaGulf.com