గాజా కాల్పుల విరమణ ఒప్పందానికి నిరసన..ఇజ్రాయిల్ రక్షణ మంత్రి రాజీనామా
- November 14, 2018జెరూసలేం : గాజా కాల్పుల విరమణ ఒప్పందానికి నిరసనగా ఇజ్రాయిల్ రక్షణ మంత్రి అవిగ్డార్ లైబర్మన్ బుధవారం తన పదవికి రాజీనామా చేశారు. 'భయానికి లొంగిపోవడం' గా ఈ ఒప్పందాన్ని ఆయన అభివర్ణించారు. ఈ చర్య ప్రధాని నెతన్యాహు ప్రభుత్వానికి పెద్ద ఎదురుదెబ్బగా భావిస్తున్నారు. 'నేను అధికారంలో వుంటే దక్షిణ ప్రాంత ప్రజలు పడే ఇబ్బందులను చూడలేను.' అని ఆయన విలేకర్లతో వ్యాఖ్యానించారు. పాలస్తీనా రాకెట్ దాడులను ఎదుర్కొంటున్న ఇజ్రాయిలీలను ఆయన ఈ సందర్భంగా ప్రస్తావించారు. నెతన్యాహుకు లాంఛనప్రాయంగా రాజీనామా లేఖను అందచేశానని, 48గంటల్లోగా అమల్లోకి వస్తుందని చెప్పారు. నెతన్యాహు సంకీర్ణ ప్రభుత్వం నుండి ఆయన పార్టీ కూడా వైదొలగింది. వచ్చే ఏడాది ఇజ్రాయిల్ సార్వత్రిక ఎన్నికలు జరగనున్న తరుణంలో 120సీట్లు గల పార్లమెంట్లో నెతన్యాహు బలం కేవలం 61కి పడిపోయింది. తాజా పరిణామాల నేపథ్యంలో ముందస్తు ఎన్నికలు జరిగే అవకాశాలను నెతన్యాహు పార్టీ తోసిపుచ్చింది.
తాజా వార్తలు
- ప్రైవేట్ రంగ ఉద్యోగులకు ఆరోగ్య బీమా తప్పనిసరి
- TWA-Q ఆధ్వర్యంలో దోహాలో ‘కమ్యూనిటీ ఇఫ్తార్’
- యూఏఈ-ఇండియా ప్రయాణికులకు గుడ్ న్యూస్
- అనుమతి లేకుంటే.. SR5,000 జరిమానా.. TGA వార్నింగ్
- విజిట్ వీసా ఉల్లంఘన.. స్పాన్సర్,టూరిస్టుపై బహిష్కరణ వేటు!
- పాస్పోర్ట్ లేకుండా ప్రయాణించిన పాకిస్థాన్ ఇంటర్నేషనల్ ఎయిర్లైన్స్ సిబ్బంది
- ఝార్ఖండ్ గవర్నర్ సీపీ రాధాకృష్ణన్కు తెలంగాణ గవర్నర్గా అదనపు బాధ్యతలు
- దుబాయ్ ఆర్టీఏ బస్సు ఉల్లంఘనలు.. జరిమానాల జాబితా
- నితాఖత్ కింద సౌదీలుగా ఫారీన్ ఇన్వెస్టర్లు
- డొమెస్టిక్ లేబర్ ప్రొబేషన్ వ్యవధి 6 నెలలకు పెంపు..!