వరల్డ్‌ హ్యాపీనెస్‌ డే సందర్భంగా ఉమ్‌ అల్‌ కువైన్‌ పోలీస్‌, ట్రాఫిక్‌ జరీమానాలపై 50 శాతం డిస్కౌంట్‌ని ప్రకటించింది. మార్చి 20 నుంచి మే 4 వరకు మాత్రమే ఈ జరీమానాల డిస్కౌంట్‌ వర్తిస్తుంది. 46 రోజులపాటు అమల్లో వుండే ఈ డిస్కౌంట్‌ పీరియడ్‌ని వినియోగించుకోవడానికిగాను మార్చి 19 ముందు వరకు రిజిస్టర్‌ అయిన జరీమానాలకే వీలుంటుంది. పోలీస్‌ వెబ్‌సైట్స్‌, మినిస్ట్రీ ఆఫ్‌ ఇంటీరియర్‌కి చెందిన ఆన్‌లైన్‌ పోర్టల్‌, స్మార్ట్‌ యాప్స్‌ ద్వారా జరీమానాలను డిస్కౌంట్‌పై చెల్లించవచ్చు. కార్‌ ఇంపౌండ్‌మెంట్‌కి సంబంధించిన ఉల్లంఘనలు ఈ పరిధిలోకి రావు. వాహనదారుడు ట్రాఫిక్‌ మరియు పెట్రోల్‌ డిపార్ట్‌మెంట్‌ని వీటి కోసం సంప్రదించాల్సి వుంటుందని కల్నల్‌ బిన్‌ అరాన్‌ వివరించారు.