విడుదలకు రెడీ అయిన 'కొలైగారన్'
- April 27, 2019'ఎన్ని హత్యలు చేసేందుకైనా రెడీ..' ఇది 'కొలైగారన్' సినిమా ట్రైలర్లో విజయ్ ఆంటోని చెప్పే డైలాగు. తన బాడీ లాంగ్వేజ్కు తగ్గట్లుగా సస్పెన్స్, థ్రిల్లర్ చిత్రాలను ఎంచుకుని ప్రేక్షకులను మెప్పిస్తున్నారు. ఇప్పుడు ఆండ్రూ లూయీస్ దర్శకత్వంలో 'కొలైగారన్' చిత్రంలో నటించారు. యాక్షన్ కింగ్ అర్జున్ పోలీసు అధికారి పాత్ర పోషించారు. ఆషిమా నార్వల్ కథానాయిక. చిత్రాన్ని మే 19 లేదా 24వ తేదీన విడుదల చేయనున్నట్లు సమాచారం. ఈ సినిమా ట్రైలర్ విడుదల కార్యక్రమం చెన్నైలో ఘనంగా జరిగింది. ఈ సందర్భంగా అర్జున్ మాట్లాడుతూ కెరీర్లో ఓ అద్భుతమైన పోలీసు అధికారి పాత్ర పోషించా. ఈ కొత్త జట్టుతో కలిసి నటించడం చాలా ఆనందంగా ఉంది. అంతా యువ జట్టు ఇది. అందుకే వేదికపై వచ్చి మాట్లాడుతున్న నటులు, సాంకేతిక కళాకారులంతా 'నేను చిన్నప్పటి నుంచే అర్జున్ సార్కి ఫ్యాన్' అని చెబుతున్నారు.
నాకు అంత వయసేం కాలేదు. 'కొలైగారన్' చిత్రం కోసం నేను కూడా వేచి చూస్తున్నానని పేర్కొన్నారు. అనంతరం కథానాయకుడు విజయ్ ఆంటోని మాట్లాడుతూ నా ప్రతి ఎదుగుదలలోనూ పాత్రికేయులు ఉన్నారు. సంగీత దర్శకుడిగా తొలిప్రయత్నం చేసినప్పుడు నా ప్రత్యేకతను గుర్తించి అభినందించారు.
నటుడిగా ఎదుగుతున్నప్పుడు కూడా నన్ను ఆదరిస్తున్నారు. దర్శకుడు చెప్పినట్లు నటించా. చిత్రం బాగా వచ్చింది. నాకు సహకరించిన అందరికీ కృతజ్ఞతలని పేర్కొన్నారు.
నిర్మాత ధనుంజయన్ మాట్లాడుతూ 'కొలైగారన్' అనుకున్నట్లు శిల్పంగా వచ్చింది. కమర్షియల్గా మంచి విజయం సాధిస్తుందనే నమ్మకం ఉంది. ఆండ్రూ తెరకెక్కించిన విధానం చూసి.. ఇంకో సినిమా తెరకెక్కించే అవకాశాన్ని ఇచ్ఛా త్వరలోనే ఆ సినిమా నటీనటులు, సాంకేతిక కళాకారుల గురించి చెబుతానని పేర్కొన్నారు. ఆండ్రూకు 'కొలైగారన్' రెండో చిత్రం. గతంలో ఆయన 'లీలై' అనే చిత్రం ద్వారా దర్శకుడిగా అడుగు పెట్టారు.
తాజా వార్తలు
- ఏప్రిల్ 22న పదవ తరగతి ఫలితాలు విడుదల
- T20 వరల్డ్కప్.. ఏప్రిల్ 28న భారత జట్టు ఎంపిక..!
- ఆగస్టు 15లోగా రైతు రుణమాఫీ చేస్తాం: సీఎం రేవంత్
- ప్రతి ఒక్కరూ ఓటు హక్కును ఉపయోగించుకోవాలి: జస్టీస్ చంద్రచూడ్
- ఇళ్లకు ఉచితంగా మరమ్మతులు..ముందుకొచ్చిన డెవలపర్లు
- దుబా పోర్ట్లో భారీ డ్రగ్ స్మగ్లింగ్ గుట్టురట్టు
- మిడిల్ ఈస్ట్ వివాదం నివారణకు ఖతార్ పిలుపు
- షార్జాలో అదృశ్యమైన యువకుడు క్షేమం
- అబ్దల్లి కారు ప్రమాదంలో భారతీయ వ్యక్తి మృతి
- ఐక్యరాజ్యసమితి నిర్ణయంపై సర్వత్రా విచారం