యాపిల్ టీ గురించి ఎప్పుడైనా విన్నారా??

యాపిల్ టీ గురించి ఎప్పుడైనా విన్నారా??

లెమన్ టీ, గ్రీన్ టీ, జింజర్ టీ అంటూ చాలా టీలే తాగుతుంటారు టీ ప్రియులు. మరి యాపిల్ టీ గురించి ఎప్పుడూ విని వుండరు. రోజుకో యాపిల్ తింటే వైద్యునికి దూరంగా ఉండొచ్చు అని అంటారు. యాపిల్ టీని తాగడం వలన కూడా ఎన్నో ప్రయోజనాలు అని అంటున్నారు న్యూట్రీషియనిస్టులు. ఈ టీ రుచిగా ఉండడంతో పాటు శరీరం ఫిట్‌గా ఉండేందుకు దోహదపడుతుంది. ఇప్పటికే యూరప్‌లో ఎంతో ప్రజాదరణ పొందిన ఈ యాపిల్ టీ రోగనిరోధక వ్యవస్థను పెంపొందిస్తుంది. ఇన్‌ఫెక్షన్లను నివారించడంలో కీలక పాత్ర పోషిస్తుంది. ఉదర సంబంధ సమస్యలకు యాపిల్ టీ చక్కటి ఔషధం. యాపిల్ టీ రోజూ తీసుకుంటే సౌందర్యం పెరుగుతుంది. చర్మం కాంతి వంతంగా ఉంటుంది. జాయింట్ పెయిన్ సమస్యలను నివారిస్తుంది. శరీర బరువు నియంత్రణలో ఉంటుంది. ఇక ఈ యాపిల్ టీని ఎలా తయారు చేయాలో చూద్దాం..
ఓ పాత్రలో టీకి సరిపడా నీళ్లు తీసుకోవాలి. ఆ తరువాత శుభ్రం చేసిన యాపిల్‌ని తీసుకుని చిన్న చిన్న ముక్కలు చేసి మరుగుతున్న నీటిలో వేసి 10 నిమిషాలు ఉంచాలి. ఆ తరువాత టీ పొడి, లవంగ దాల్చిన చెక్కపొడి కొద్దిగా వేసి కలిపి మరికాసేపు మరిగించాలి. తరువాత దించి కొద్దిగా తేనె కలిపి తాగాలి. రోజులో ఏదో ఒక టైమ్‌లో ఈ యాపిల్ టీ ట్రై చేయండి. అందంతో పాటు ఆరోగ్యాన్ని మీ సొంతం చేసుకోండి.

Back to Top