ఇమ్రాన్ హష్మీతో వినూత్న కథా చిత్రం చేస్తున్న బిగ్ బి

- May 10, 2019 , by Maagulf
ఇమ్రాన్ హష్మీతో వినూత్న కథా చిత్రం చేస్తున్న బిగ్ బి

70ఏళ్ళ వయస్సులోను ఎంతో ఉత్సాహంగా సినిమాలు చేస్తున్న అమితాబ్ బచ్చన్ చివరిగా బద్లా చిత్రం ద్వారా ప్రేక్షకుల ముందుకు వచ్చారు. ఈ చిత్రంతో ఆడియన్స్‌ని ఎంతగానో అలరించారు. తాజాగా మరో ప్రాజెక్ట్‌కి గ్రీన్ సిగ్నల్ ఇచ్చారు బిగ్ బీ. బాలీవుడ్ కిస్సింగ్ వీరుడు ఇమ్మాన్ హష్మీతో కలిసి మిస్టరీ థ్రిల్లర్ చెహర్ అనే సినిమా చేయబోతున్నారు. ఈ రోజు నుండి చిత్రం రెగ్యులర్ షూటింగ్ జరుపుకుంటుంది. కృతి కర్బంధ, రియా చక్రవర్తి, సిద్ధాంత్ కపూర్, రఘుబీర్ యాదవ్, దృత్‌మాన్ చక్రవర్తి, అన్ను కపూర్ చిత్రంలో ప్రధాన పాత్రలు పోషిస్తున్నారు. రుమి జఫ్రీ దర్శకత్వంలో తెరకెక్కుతున్న ఈ చిత్రాన్ని ఆనంద్ పండింట్ మోషన్ పిక్చర్స్‌, సరస్వతి ఎంటర్‌టైన్‌మెంట్స్ ప్రై. లిమిటెడ్ సంయుక్తంగా నిర్మిస్తున్నాయి. ఫిబ్రవరి 21, 2020న చిత్రాన్ని విడుదల చేయనున్నట్టు మేకర్స్ ప్రకటించారు.

Click/tap here to subscribe to MAAGULF news alerts on Telegram
   
Copyrights 2015 | MaaGulf.com