|| గాలి మువ్వల చప్పుడై ||
- February 29, 2016
వెనకేసుకున్నదేమిటోనని
వెనక్కి తిరిగి చూసుకున్నప్పుడల్లా
పిడికెడు జ్ఞాపకాలతో ఎదురొస్తావు
దోసిట్లోని దుఃఖమంతా మల్లెలు చేసి
వెచ్చగా జోకోడతావు
కళ్ళని కలల రంగులో ముంచి
కమ్మని కునుకునిస్తావు
దూరమో
భారమో
వేటాడే ముళ్లనో
వెంటాడే నీడనో , నువ్వు తప్ప
ఇంకేదీ నా దరి చేరనీయవు
ఇక్కడి పొద్దును వెంటబెట్టుకొని నేను
అక్కడి మబ్బులు మూటగట్టుకొని నువ్వు
ఒకే గుండెను చేరోసగం పంచుకొని
కలిసిపోతుంటాం
కరిగిపోతుంటాం
ఎప్పుడూ తడిసిపోతుంటాం
మాట మరిచినా
ఊసులు మిగిలున్నట్టు
గుండె ఆగినా
గురుతులు బతికున్నట్టు
ఎప్పటికీ.... బతికేస్తాం
గాలి మువ్వల చప్పుడై
పారువెల్ల
తాజా వార్తలు
- 30 ఎయిర్బస్ విమానాలు ఆర్డర్ చేసిన ఇండిగో
- JEE మెయిన్ రిజల్ట్స్ విడుదల..
- రేపు హైదారాబాద్ లో ఉపరాష్ట్రపతి పర్యటన..
- ఐఫోన్ యూజర్ల కోసం వాట్సాప్ పాస్కీ సపోర్టు వచ్చేసింది..
- అమెరికా రిపోర్టును తిరస్కరించిన భారత్
- రిజర్వేషన్లు రద్దుకోసం మోదీ ప్రయత్నం చేస్తున్నారు: సీఎం రేవంత్
- నామినేషన్ దాఖలు చేసిన సీఎం జగన్
- మే 14 నుంచి సౌదీ-యూకే ఎక్స్పో
- ‘క్షమాపణ డిక్రీ’పై మానవ హక్కుల సంఘాల ప్రశంసలు
- కీలక దశలోకి యూఏఈ-ఒమన్ రైల్వేలైన్..!