బాలీవుడ్‌ నటుడు అర్జున్‌ కపూర్‌కు తన నానమ్మ పెళ్లికూతురిని ఎంపిక చేసేశారట. ఆమె ఎవరో కాదు బాలీవుడ్‌ నటి పరిణీతి చోప్రా. అలా అని అర్జున్‌, పరిణీతి నిజంగా పెళ్లి చేసుకోబోతున్నారని కాదు. అర్జున్‌, పరిణీతి జంటగా 'నమస్తే ఇంగ్లాండ్‌' సినిమాలో నటిస్తున్నారు. ఇటీవల ఈ చిత్ర ట్రైలర్‌ విడుదలైంది. ట్రైలర్‌ చూశాక అర్జున్‌ నానమ్మ 'మీ ఇద్దరి జోడీ బాగుంది. నీ పక్కన నటించిన నటీమణుల్లో పరిణీతి బెస్ట్‌గా కన్పించింది. నిజ జీవితంలోనూ పరిణీతి నీకు మంచి భార్య అవుతుందన్న నమ్మకం నాకుంది' అని అన్నారట.