టాలీవుడ్ ప్రముఖ గాయని గీతామాధురి ఇటీవల టెలివిజన్ రియాలిటీ షో బిగ్ బాస్-2తో మరింత పాపులర్ అయింది. సినిమాల్లో ఎన్నో మాస్ పాటలు పాడిన గీత నటనవైపు సీరియస్ గా అడుగులు వేస్తోందట. గతంలో ఒక చిత్రంలో చిన్న పాత్ర పోషించిన ఆమె తాజాగా ఒక థ్రిల్లర్‌, యాక్షన్‌ సినిమాలో పూర్తి స్థాయి పాత్రలో నటించనుందట. త్వరలోనే ఈ సినిమా షూటింగ్‌ మొదలు కానుందట. ఈ సినిమా గురించి గీత మాట్లాడుతూ 'మంచి కథతో దగ్గరకు వచ్చారు. కథ నచ్చడంతో ఓకే చెప్పా. ఈ సినిమా గురించి ఇప్పుడే ఎక్కువ చెబితే బాగుండదు' అని చెప్పింది.