కువైట్ సిటీ:విదేశీ ప్రయాణాలపై పౌరులు, నివాసితులకు కువైట్ ప్రభుత్వం కీలక సూచనలు చేసింది. కరోనా మహమ్మారి విస్తరిస్తున్న ప్రస్తుత పరిస్థితుల్లో విదేశీ ప్రయాణాలు మానుకుంటేనే మంచిదని ప్రకటించింది. ప్రపంచంలోని పలు దేశాల్లో కరోనా తీవ్రత పెరిగిందని, ఇలాంటి పరిస్థితుల్లో అనవసర ప్రయాణాలతో కోరి ప్రమాదంలో పడొద్దని హితువు పలికింది. ప్రయాణ సమయంలో కరోనా సంక్రమించే అవకాశాలు ఉన్న నేపథ్యంలో ఈ మేరకు సూచనలు చేసింది. మీ ఆరోగ్యం, మీ కుటుంబ సభ్యుల ఆరోగ్యం దృష్ట్యా విదేశీ ప్రయాణాలను మానుకోవాలని కోరింది.