కువైట్: కోవిడ్ వ్యాక్సిన్ తీసుకోని పౌరుల ప్రయాణాలకు సంబంధించి కువైట్ ప్రభుత్వం ట్రావెల్ గైడ్ లెన్స్ అప్ డేట్ చేసింది. వ్యాక్సిన్ తీసుకోని వారికి విదేశీ ప్రయాణాలకు అనుమతి ఉండదని వెల్లడించింది. సెప్టెంబర్ 1 నుంచి ఈ నిర్ణయం అమలులోకి వస్తుందని తెలిపింది. అయితే..ఈ నిబంధన నుంచి రెండు వర్గాలకు మాత్రం మినహాయింపు ఉంటుంది. వ్యాక్సిన్ తీసుకునేందుకు అర్హత లేని వయసు వర్గాల వారు..అంటే 12 ఏళ్లలోపు వయసు వారు, ఆరోగ్య కారణాల వల్ల టీకాలు వేయలేమని పేర్కొంటూ ఆరోగ్య మంత్రిత్వ శాఖ ఆమోదించిన సర్టిఫికేట్ పొందిన పౌరులకు ప్రయాణ నిబంధన నుంచి మినహాయింపు ఉంటుంది. అయితే..గతంలో జారీ చేసిన నిబంధనల ప్రకారం వ్యాక్సిన్ తీసుకొని గర్భిణీ స్త్రీలు విదేశాలకు వెళ్లడానికి అనుమతించిన సంగతి తెలిసిందే.