రెబల్ స్టార్ ప్రభాస్‌ అభిమానులకు మరో అద్భుతమైన వార్త అందింది. ఆయన ప్రధాన పాత్రలో రూపొందుతున్న తాజా చిత్రం ‘రాజాసాబ్‌’ ను గ్లోబల్ స్థాయిలో ప్రమోట్‌ చేయడానికి దర్శకుడు మారుతి ప్రత్యేక వ్యూహాన్ని సిద్ధం చేస్తున్నారని సినీ వర్గాలు చెబుతున్నాయి.

ఈ సినిమా పై ప్రేక్షకుల్లో ఇప్పటికే భారీ అంచనాలు నెలకొన్నాయి. ప్రభాస్‌ – మారుతి కాంబినేషన్‌లో సినిమా వస్తుండటమే కాకుండా, ఈ ప్రాజెక్ట్‌ లో వాణిజ్య అంశాలు, ఫ్యామిలీ ఎమోషన్స్‌, మాస్‌ ఎంటర్‌టైన్‌మెంట్‌ అన్నీ ఉండబోతున్నాయని సమాచారం.

త్వరలోనే ఈ చిత్రం నుంచి తొలి సింగిల్, ప్రతి 10 రోజులకు కొత్త సాంగ్ విడుదల కానున్నట్లు పేర్కొన్నాయి. అలాగే క్రిస్మస్ సమయంలో అమెరికాలో ఈవెంట్ నిర్వహణకు ఏర్పాట్లు చేస్తున్నట్లు చెప్పాయి. న్యూఇయర్ సందర్భంగా ట్రైలర్ కూడా రానుందని పేర్కొన్నాయి.