కువైట్: టూరిస్టిక్ ఎంటర్‌ప్రైజెస్ కంపెనీ (TEC) అల్-అకిలా బీచ్ రీ డెవలప్ మెంట్ ప్రాజెక్టును ప్రారంభించినట్లు ప్రకటించింది.ఇది సముద్ర తీర ప్రాంతాలను మెరుగుపరచడం , కువైట్ పర్యాటక మరియు వినోద రంగాన్ని పెంపొందించడం లక్ష్యంగా పెట్టుకుందని TEC చీఫ్ ఎగ్జిక్యూటివ్ ఆఫీసర్ అన్వర్ అల్-హ్లైలా తెలిపారు.

ఆయన్ రియల్ ఎస్టేట్ కంపెనీ ఈ ప్రాజెక్ట్ కు మద్దతు ఇస్తుందని వెల్లడించారు. ప్రాంతీయ పర్యాటక మరియు విశ్రాంతి గమ్యస్థానంగా కువైట్ స్థానాన్ని బలోపేతం చేస్తుందన్నారు. ప్రైవేట్ రంగంతో భాగస్వామ్యంలో తీరప్రాంతాలను అభివృద్ధి చేయాలనే TEC వ్యూహంలో భాగంగా ఈ ప్రాజెక్ట్ ను చేపట్టినట్లు తెలిపారు.

దాదాపు 60,000 చదరపు మీటర్ల విస్తీర్ణంలో ఉన్న ఈ ప్రాజెక్ట్ విస్తరించి ఉంది. ఇందులో పిల్లల కోసం ఇండోర్ ఎంటర్ టైన్ మెంట్ హాల్, ఒపెన్ మరియు వాటర్ ప్లే ఏరియాలు, సముద్ర దృశ్యాలతో కూడిన హెల్త్ క్లబ్, రెస్టారెంట్లు మరియు కేఫ్‌లు, డ్రైవ్-త్రూ సర్వీస్ యూనిట్లు ఉంటాయని ప్రకటించారు.