ప్ర‌జెంట్ ట్రెండ్‌లో హార‌ర్ సినిమాలు హ‌వా న‌డుస్తోంది. ఈ ఏడాది విడుద‌లైన అన్నీ హార‌ర్ సినిమాలు బాక్సాఫీస్ ద‌గ్గ‌ర భారీ విజ‌యం సాధించాయి. ప్ర‌స్తుతం అదే త‌ర‌హాలో ఉత్కంఠ‌భ‌రిత‌మైన‌ క‌థ, క‌థ‌నంతో ప్రేక్ష‌కుల‌కి సీట్ ఎడ్జ్ థ్రిల్ల‌ర్‌ అనుభూతినిచ్చే విధంగా రూపొందిన చిత్రం అమ‌రావ‌తికి ఆహ్వానం. ఈ సినిమా టైటిల్ కి ఇప్ప‌టికే ప్రేక్ష‌కుల్లో మంచి ఆధ‌రణ ల‌భించింది. శివ కంఠంనేని,ధ‌న్య బాల‌కృష్ణ‌, ఎస్త‌ర్, సుప్రిత, హ‌రీష్ ప్ర‌ధాన పాత్ర‌ల‌తో తెర‌కెక్కుతోన్న ఈ మూవీలో సీనియ‌ర్ న‌టులు అశోక్ కుమార్‌, భ‌ద్ర‌మ్‌, జెమిని సురేష్, నాగేంద్ర ప్రసాద్ కీల‌క‌పాత్ర‌లు పోషించారు. డైరెక్ట‌ర్ జివికె ఈ మూవీని తెరకెక్కిస్తున్నారు. ప్ర‌ముఖ నిర్మాత ముప్పా వెంక‌య్య చౌద‌రి గారి నిర్మాణ సార‌థ్యంలో జి. రాంబాబు యాద‌వ్ స‌మ‌ర్పణ‌లో  లైట్ హౌస్ సినీ మ్యాజిక్ బేన‌ర్‌పై కేఎస్ శంక‌ర్‌రావు, ఆర్ వెంక‌టేశ్వ‌ర రావు ఈ చిత్రాన్ని నిర్మించారు. ఆంధ్ర ప్ర‌దేశ్‌, తెలంగాణ‌, మ‌ధ్య ప్ర‌దేశ్ లోని ప‌లు లొకెష‌న్స్‌లో షూటింగ్స్ జ‌రుపుకున్న ఈ చిత్రం ప్ర‌స్తుతం నిర్మాణాంత‌ర కార్య‌క్ర‌మాలు శ‌ర వేగంగా జ‌రుపుకుంటోంది. అతి త్వ‌ర‌లో భారీ ఎత్తున ప్ర‌మోష‌నల్ కార్య‌క్ర‌మాలు నిర్వ‌హించి థియేట‌ర్స్‌లో గ్రాండ్ రిలీజ్ చేయనున్నారు చిత్ర యూనిట్‌. తాజాగా క్రిస్మ‌స్ శుభాకాంక్ష‌ల‌తో స‌రిక్రొత్త పోస్టర్ మ‌రియు గ్లింప్స్‌ రిలీజ్ చేశారు మేక‌ర్స్‌..ఈ సంద‌ర్భంగా..

హీరో శివ కంఠంనేని మాట్లాడుతూ - ఇప్ప‌టికే అనౌన్స్ చేసిన మా టైటిల్ కి మంచి రెస్పాన్స్ వ‌చ్చింది. ఆంధ్ర ప్ర‌దేశ్‌, తెలంగాణ‌, మ‌ధ్య ప్ర‌దేశ్ లోని ప‌లు లొకేష‌న్స్‌లో షూటింగ్ పూర్తి చేశాం. ధ‌న్య‌, ఎస్త‌ర్‌,సుప్రిత వంటి మంచి క్యాస్టింగ్‌తో పాటు అశోక్ కుమార్‌, జెమిని సురేష్, భ‌ద్ర‌మ్‌ లాంటి సీనియ‌ర్ యాక్ట‌ర్స్ మా సినిమాలో భాగం అవడం చాలా సంతోషంగా ఉంది. ద‌ర్శ‌కుడు జీవికే త‌న విజ‌న్ తో ఈ సినిమాకు మంచి ఔట్‌పుట్ తీసుకువ‌చ్చారు. అన్ని పాత్ర‌ల‌కి ప్రాధాన్య‌త ఉండేలా మంచి క‌థ తో ఈ చిత్రాన్ని రూపొందించారు. ప్ర‌స్తుతం వీఎఫ్ఎక్స్ వ‌ర్క్ జ‌రుగుతున్నాయి. త‌ప్ప‌కుండా థియేట‌ర్స్‌లో ప్రేక్ష‌కుల‌ని సీట్ ఎడ్జ్ థ్రిల్ల‌ర్ అనుభూతినిస్తుంది. అతి త్వ‌ర‌లో పోస్ట్ ప్రొడ‌క్ష‌న్ పూర్తి చేసి థియేటర్స్‌లో గ్రాండ్ రిలీజ్ చేయ‌డానికి ప్లాన్ చేస్తున్నాం`` అన్నారు

ద‌ర్శ‌కుడు జివికె మాట్లాడుతూ - `ఈ మ‌ధ్య కాలంలో రిలీజైన అన్ని హార‌ర్ సినిమాలు మంచి విజ‌యం సాధించాయి. అదే త‌ర‌హాలో మ‌రో డిఫ‌రెంట్‌ హార‌ర్ థ్రిల్ల‌ర్ క‌థాశంతో వ‌స్తోన్న చిత్రం అమ‌రావ‌తికి ఆహ్వానం. శివ కంఠంనేని, ధ‌న్య బాల‌కృష్ణ‌, ఎస్త‌ర్‌, సుప్రిత, శివ హ‌రీశ్‌, అశోక్ కుమార్‌, జెమిని సురేశ్, భ‌ద్ర‌మ్‌ కీల‌క పాత్ర‌లు పోషించారు. మంచి ఆర్టిస్టుల‌తో పాటు ఉత్కంఠ‌భ‌రిత‌మైన క‌థ‌, క‌థ‌నంతో ఈ సినిమా తెర‌కెక్కింది. సీనియ‌ర్‌ సినిమాటోగ్రాఫ‌ర్‌ జె ప్రభాక‌ర్ రెడ్డి గారి విజువ‌ల్స్, హ‌నుమాన్ ఫేమ్ సాయిబాబు త‌లారి ఎడిటింగ్ ఈ సినిమాకు ప్ల‌స్ అవుతాయి. పద్మ‌నాబ్ బ‌ర‌ద్వాజ్ గారి సంగీతం, బ్యాక్ గ్రౌండ్ స్కోర్ థియేట‌ర్స్‌లో ఆడియ‌న్స్‌ని హార‌ర్ మూడ్ క్యారీ చేసే విధంగా చేస్తుంది` అన్నారు

శివ కంఠంనేని, ఎస్త‌ర్‌, ధ‌న్య బాల‌కృష్ణ‌, సుప్రిత‌, అశోక్ కుమార్‌, హ‌రీష్‌, భ‌ద్ర‌మ్‌, జెమినీ సురేష్ , నాగేంద్ర ప్రసాద్ ముఖ్య తారాగ‌ణంగా న‌టిస్తోన్న ఈ చిత్రానికి

నిర్మాణ సార‌థ్యం: ముప్పా వెంక‌య్య చౌద‌రి
స‌మ‌ర్ప‌ణ‌: జి. రాంబాబు యాద‌వ్‌
బేన‌ర్‌: లైట్ హౌస్ సినీ మ్యాజిక్‌
నిర్మాత‌లు: కెఎస్ శంక‌ర్‌రావు, ఆర్ వెంక‌టేశ్వ‌ర‌రావు
క‌థ‌, స్క్రీన్ ప్లే, మాట‌లు, ద‌ర్శ‌క‌త్వం: జివికె
ఎగ్జిక్యూటివ్ ప్రొడ్యూస‌ర్స్‌: వై. అనిల్ కుమార్‌, కె. శ్రీ‌నివాస్‌రావు
డిఓపి: జె ప్ర‌భాక‌ర్ రెడ్డి
మ్యూజిక్‌: ప‌ద్మ‌నాబ్‌ భ‌రద్వాజ్‌
ఎడిటింగ్‌: సాయిబాబు తలారి
ఫైట్స్‌: అంజి మాస్ట‌ర్
లిరిక్స్‌: ఉమా వంగూరి
కొరియోగ్ర‌ఫి: రాజ్‌ కృష్ణ‌
పిఆర్ఓ: సిద్ధు