రియాద్:  సౌదీ అరేబియా అంతర్గత వ్యవహారాల మంత్రిత్వ శాఖ యొక్క అబ్షర్ ప్లాట్‌ఫామ్‌లో నాలుగు కొత్త ఇ-సేవలను పాస్‌పోర్ట్‌ల యాక్టింగ్ డైరెక్టర్ జనరల్ మేజర్ జనరల్ డాక్టర్ సలేహ్ అల్-మురబ్బా ప్రారంభించారు. ఈ ప్రారంభోత్సవ కార్యక్రమం అంతర్గత వ్యవహారాల మంత్రి ప్రిన్స్ అబ్దులాజీజ్ బిన్ సౌద్ బిన్ నయీఫ్ ఆధ్వర్యంలో జరిగింది.

ఇక కొత్త సేవల్లో ప్రవాసుల ఫోటోను అప్డేట్ చేసుకోవడం, డిపెడెంట్ వాణిజ్య రిజిస్ట్రేషన్‌ను రద్దు చేయడం, డిపెడెంట్ సెఫరేట్ సర్వీస్ మరియు సల్వా సరిహద్దు క్రాసింగ్ వద్ద అబ్షర్ ట్రావెల్ సర్వీస్ ఉన్నాయి.  కొత్త సర్వీసులు సమయాన్ని ఆదా చేస్తాయని, అదే సమయంలో పాస్‌పోర్ట్ సేవల నాణ్యతను మెరుగుపరుస్తాయని  మేజర్ జనరల్ అల్-మురబ్బా అన్నారు. స్మార్ట్ పరిష్కారాలను అందించడమే లక్ష్యంగా ఎలక్ట్రానిక్ లావాదేవీలను డెవలప్ చేయడంలో ఈ సేవలు భాగమని, లబ్ధిదారులకు అందించే సేవల నాణ్యతను పెంచడానికి దోహదపడతాయని ఆయన పేర్కొన్నారు.