యూఏఈ : దుబాయ్ RTA రమదాన్ సందర్భంగా పబ్లిక్ పార్కింగ్ సమయాలను ప్రకటించింది. సోమవారం నుండి శనివారం వరకు ఉదయం 8 గంటల నుండి సాయంత్రం 6 గంటల వరకు, రాత్రి 8 గంటల నుండి అర్ధరాత్రి 12 గంటల వరకు ఫీజులు వర్తిస్తాయి. ప్రార్థనలు మరియు ఉపవాసాలు విరమించే సమయంలో నివాసితులకు 2 గంటల పాటు ఉచిత పార్కింగ్ లభిస్తుంది. మల్టీ ఫ్లోర్ పార్కింగ్ సౌకర్యాలు 24/7 పనిచేస్తాయని RTA తెలిపింది.
అంతకుముందు, దుబాయ్ టోల్ ఆపరేటర్ సలిక్ కూడా పవిత్ర రమదాన్ మాసం కోసం సవరించిన సమయాలను ప్రకటించారు. అలాగే దుబాయ్ మెట్రో మరియు దుబాయ్ ట్రామ్ సవరించిన సమయాలను RTA వెల్లడించింది. 
దుబాయ్ మెట్రో రెడ్ లైన్ మరియు గ్రీన్ లైన్ స్టేషన్లు సోమవారం నుండి గురువారం వరకు ఉదయం 5 గంటల నుండి అర్ధరాత్రి 12 గంటల వరకు, శుక్రవారం ఉదయం 5 గంటల నుండి అర్దరాత్రి 1 గంటల వరకు నడుస్తుంది. ఇక శనివారం ఉదయం 5 గంటల నుండి అర్ధరాత్రి 12 గంటల వరకు, ఆదివారం ఉదయం 8 గంటల నుండి అర్ధరాత్రి 12 గంటల వరకు అందుబాటులో ఉంటాయి.
దుబాయ్ ట్రామ్ సోమవారం నుండి శనివారం వరకు ఉదయం 6 నుండి మరుసటి రోజు 1 గంట వరకు, ఆదివారం ఉదయం 9 గంటల నుండి మరుసటి రోజు 1 గంట వరకు సర్వీసులు నడుస్తాయని ప్రకటించారు.
ప్రభుత్వ బస్సులు, సముద్ర రవాణా
పబ్లిక్ బస్సుల సమయాల్లో మార్పులను తెలుసుకోవడానికి, ప్రయాణికులు S'hail యాప్‌ను తనిఖీ చేయాలని సూచించారు. సముద్ర రవాణాలో ప్రయాణించే వినియోగదారులు అప్డేట్ చేసిన షెడ్యూల్ కోసం RTA వెబ్‌సైట్‌ను చూడాలని ఆర్టీఏ వెల్లడించింది.