దుబాయ్: దుబాయ్ లో జూన్ 1 నుండి పబ్లిక్ సేఫ్టీకి సంబంధించి కొత్త చట్టం అమల్లోకి రానుంది. దీనికి సంబంధించి కొత్త చట్టాన్ని యూఏఈ ఉపాధ్యక్షుడు మరియు ప్రధాన మంత్రి మరియు దుబాయ్ పాలకుడు షేక్ మొహమ్మద్ బిన్ రషీద్ అల్ మక్తూమ్ జారీ చేశారు.కొత్త చట్టం అభివృద్ధికి మద్దతు ఇస్తూనే వ్యక్తులు మరియు ఆస్తికి అధిక భద్రతను ఇస్తుందని తెలిపారు.  

ప్రమాదాల్లో నష్టాలను తగ్గించడం, మార్కెట్లో ప్రజా సేవలు మరియు ఉత్పత్తుల భద్రతా ప్రమాణాలను ఏర్పాటు చేయడం ద్వారా జీవితాలను మరియు ఆస్తిని రక్షించడం ఈ చట్టం లక్ష్యమని పేర్కొన్నారు.పబ్లిక్ ప్లేసుల్లో.. కమ్యూనిటీలో కొత్త చట్టంపై అవగాహన కల్పిస్తామని తెలియజేశారు.   

వెన్యూస్ కోసం పబ్లిక్ సేఫ్టీ రూల్స్:

• పరికరాల ప్రమాణాలు
• తగినంత లైటింగ్ మరియు వెంటిలేషన్
• సురక్షిత ఎంట్రీ మరియు ఎగ్జిట్
• రద్దీని నివారించడానికి.. అనుమతించిన వ్యక్తుల సంఖ్యపై పరిమితులు
• వినికిడి ప్రమాదాలు.. అధిక ధ్వనిని నివారించడానికి నియంత్రణ చర్యలు
• ఉండాల్సిన అత్యవసర పరికరాలు:
• అగ్నిమాపక పరికరాలు
• అత్యవసర తరలింపు చర్యలు
• ప్రథమ చికిత్స సామాగ్రి
• శిక్షణ పొందిన భద్రతా పర్యవేక్షకులు
• అలారం వ్యవస్థలు
• భద్రతా సంకేతాలు
• ప్రజా భద్రతా నిర్వహణ ప్రణాళిక

అలాగే, జనావాస భవనాల్లో కార్యక్రమాలు నిర్వహణకు సంబంధించి ప్రత్యేక సేఫ్టీ రూల్స్ అమల్లో ఉంటాయని తెలిపారు. ముఖ్యంగా స్విమ్మింగ్ పూల్స్, బీచ్‌ల నిర్వహణ కార్యకలాపాలకు సంబంధించిన సేఫ్టీ రూల్స్ కూడా చట్టంలో ఉన్నాయన్నారు. ప్రజా భద్రతను నిర్ధారించడానికి యజమానులు, ఆపరేటర్లు..  చట్టం నిర్దేశించిన మార్గదర్శకాలను పాటించాలని నిర్దేశించారు.

పబ్లిక్ రెస్పాన్సిబిలిటీస్:

• పబ్లిక్ ప్లేసులు, ఎంటర్ టైన్ మెంట్ వేదికలు మరియు ఈవెంట్‌లలో అన్నిరకాల భద్రతా విధానాలు, సూచనలు మరియు మార్గదర్శకాలను ప్రజలు పాటించాల్సిన అవసరం ఉందని తెలిపారు.
• పరికరాలు, యంత్రాలు మరియు టూల్స్ వాడకంపై మార్గదర్శకాలను పాటించాలి.  ప్రజా భద్రతా పర్యవేక్షకులతో సహకరించాలి. అత్యవసర తరలింపు విధానాలకు కట్టుబడి ఉండాలి.
• బీచ్‌లలో అనుమతించబడిన స్విమ్మింగ్ సమయాలను పాటించాలి. సిబ్బందికి లేదా ఇతర అనధికార మండలాలకు కేటాయించబడిన పరిమితం చేయబడిన ప్రాంతాలకు దూరంగా ఉండాలి. పరికరాలను ఉపయోగిస్తున్నప్పుడు భద్రతా సూచనలను పాటించాలి.
• పేలుడు పదార్థాలు, ఫైర్ వర్క్స్, విషపూరితమైన లేదా మండే పదార్థాలు లేదా అనుమతి లేకుండా ఇతర అసురక్షిత ఉత్పత్తులను ఉపయోగించడం చట్ట ప్రకారం నిషేధించారు. వీటికి వినియోగానికి దూరంగా ఉండాలి.
• వేస్ట్ కంటైనర్లు లేదా వాటి సేకరణ వాహనాలలో ప్రమాదకరమైన పదార్థాలను ఉంచడం, కంటైనర్లను తరలించడం లేదా ట్యాంపర్ చేయడం లాంటి వాటికి దూరంగా ఉండాలి. మ్యాన్‌హోల్స్, మురుగు పైపులు లేదా తుఫాను నీటి కాలువలను తెరవడానికి ప్రయత్నించవద్దు. 
• మానవ ఉపయోగం, వినోదం లేదా విద్య కోసం ఉద్దేశించిన ఏవైనా టూల్స్, పరికరాలు లేదా ఉత్పత్తులు ప్రజా భద్రతా అవసరాలను తీర్చకపోతే వాటి ఉపయోగం లేదా అమ్మకాన్ని చట్టం నిషేధిస్తుంది. వస్తువులలో అరబిక్ మరియు ఇంగ్లీష్ రెండింటిలోనూ సురక్షిత-ఉపయోగ సూచనలు ఉండేలా చర్యలు తీసుకోవాలి.

వయేలేషన్స్ మరియు పెనాల్టీలు:  

• కొత్త చట్టంలో నిర్దేశించిన నిబంధనలు లేదా మార్గదర్శకాలను ఉల్లంఘించే ఎవరికైనా 500 దిర్హామ్‌ల నుండి 1 మిలియన్ దిర్హామ్‌ల వరకు జరిమానా విధించబడుతుంది. ఒక సంవత్సరంలోపు పునరావృతమయ్యే నేరాలకు 2 మిలియన్ల వరకు డబుల్ జరిమానా విధించబడుతుంది.
• దుబాయ్ ఎగ్జిక్యూటివ్ కౌన్సిల్ ఉల్లంఘనలను విచారించి,  జరిమానాలను విధిస్తుంది.
• దుబాయ్ మునిసిపాలిటీ డైరెక్టర్ జనరల్ నియమించిన సంబంధిత అధికారులు, ఉద్యోగులకు ఉల్లంఘనలను నమోదు చేయడానికి అధికారం కల్పించారు. అవసరమైతే ఉల్లంఘనలు నమోదు చేయడానికి పోలీసులకు కూడా అధికారాలు కల్పించారు. 
• ఈ చట్టం ప్రకారం తీసుకున్న నిర్ణయాలు, చర్యలు లేదా చర్యలకు వ్యతిరేకంగా నోటిఫై చేసిన 10 వర్కిండ్ డేస్ లో రాతపూర్వక అప్పీల్‌ను సమర్పించే హక్కును చట్టం కల్పించింది.
• దుబాయ్ మునిసిపాలిటీ డైరెక్టర్ జనరల్ లేదా మునిసిపాలిటీ నుంచి అనుమతి పొందిన సంస్థ నియమించిన కమిటీ 30 రోజుల్లోపు అప్పీళ్లను పరిష్కరిస్తుంది.
• ప్రభావిత పక్షాలన్నీ రెండు సంవత్సరాలలోపు కొత్త చట్టంలోని నిబంధనలకు కట్టుబడి ఉండాలి. మునిసిపాలిటీ సిఫార్సు ఆధారంగా ఎగ్జిక్యూటివ్ కౌన్సిల్ ఆమోదించిన అదే వ్యవధిని ఒకేసారి పొడిగించే అవకాశం ఉంది.
• కొత్త చట్టం పబ్లిక్ సేఫ్టీని పెంచుతుందని, అదే సమయంలో ఈవెంట్ సంస్థల బాధ్యతను పెంచుతుందని అధికార యంత్రాంగం స్పష్టం చేసింది. ప్రజా భద్రతకే తమ తొలి ప్రాధాన్యత ఉంటుందని తేల్చిచెప్పారు.