మనామాః బహ్రెయిన్ జాతీయ విమానయాన సంస్థ అయిన గల్ఫ్ ఎయిర్.. కింగ్ ఫహద్ అంతర్జాతీయ విమానాశ్రయంలో తన తాత్కాలిక కార్యకలాపాలను నాలుగు కొత్త దక్షిణాసియా గమ్యస్థానాలైన లాహోర్ (LHE), ఇస్లామాబాద్ (ISB), కొచ్చి (COK), ఢాకా (DAC)లకు ప్రారంభించనుంది.

బహ్రెయిన్  ప్రాంతంలోని గగనతలం తాత్కాలికంగా మూసివేయబడిన నేపథ్యంలో దమ్మామ్ నుండి లండన్ హీత్రూ (LHR), ముంబై (BOM), నైరోబి (NBO), కైరో (CAI), చెన్నై (MAA), బ్యాంకాక్ (BKK), కాసాబ్లాంకా (CMN), మనీలా (MNL), పారిస్ (CDG), ఫ్రాంక్‌ఫర్ట్ (FRA), ఇస్తాంబుల్ (IST), ఏథెన్స్ (ATH), తిరువనంతపురం (TRV) లకు సేవలను ప్రారంభించింది. ఈ విమానాలలో బుకింగ్‌లు ఉన్న ప్రయాణీకుల కోసం గల్ఫ్ ఎయిర్, కింగ్ ఫహద్ అంతర్జాతీయ విమానాశ్రయం మధ్య భూమార్గ రవాణాను అందిస్తుంది.

గల్ఫ్ ఎయిర్ ఏర్పాటు చేసిన భూమార్గ రవాణాను ఉపయోగించి బహ్రెయిన్ కి వెళ్లి వచ్చే ప్రయాణీకుల కోసం ప్రత్యేకంగా సౌదీ అరేబియా ట్రాన్సిట్ వీసా సహాయాన్ని కూడా గల్ఫ్ ఎయిర్ కల్పిస్తోంది. సౌదీ అరేబియాను తుది గమ్యస్థానంగా కలిగిన ప్రయాణీకులు, స్వయంగా ఏర్పాటు చేసుకున్న చెల్లుబాటు అయ్యే వీసాను కలిగి ఉండాలి. ప్రయాణీకులు తమ విమాన టిక్కెట్లను గల్ఫ్ ఎయిర్ వెబ్‌సైట్ http://gulfair.com ద్వారా, మొబైల్ యాప్ ద్వారా లేదా అధీకృత ట్రావెల్ ఏజెంట్ల ద్వారా బుక్ చేసుకోవచ్చు.