మదీనాః మదీనాలో పోర్టబుల్ గ్యాస్ స్టవ్‌లు, సిలిండర్లపై వినియోగంపై నిషేధం విధించారు. హోటళ్లు మరియు ఫర్నిష్డ్ అపార్ట్‌మెంట్లతో సహా పర్యాటక ఆతిథ్య సౌకర్యాలలోకి తమ గెస్టులు పోర్టబుల్ గ్యాస్ స్టవ్‌లు లేదా గ్యాస్ సిలిండర్లను తీసుకురావడానికి అనుమతి లేదని పర్యాటక మంత్రిత్వ శాఖ స్పష్టం చేసింది. పర్యాటక ఆతిథ్య సౌకర్యాల నిబంధనలలోని ఆర్టికల్ 22, పేరా 4 ఆధారంగా ఈ నిర్ణయం తీసుకున్నట్లు మంత్రిత్వ శాఖ ఒక సర్క్యులర్‌లో సూచించింది. ఈ విషయంలో జారీ చేసిన నిబంధనలకు కట్టుబడి ఉండాల్సిన ఆవశ్యకతను వివరించింది. భద్రత మరియు రక్షణ చర్యలలో భాగంగా సంబంధిత అధికారుల సూచనలను పాటించాలని మంత్రిత్వశాఖ స్పష్టం చేసింది.