దోహ: ఖతార్ వాతావరణ శాఖ ఒక సముద్ర హెచ్చరికను జారీ చేసింది. ఏప్రిల్ 29నుండి సముద్ర తీరానికి దూరంగా (offshore) బలమైన గాలులు మరియు భారీ అలలు సంభవించే అవకాశం ఉన్నదని పేర్కొంది. ఈ మేరకు సోషల్ మీడియాలో ఒక ప్రకటన విడుదల చేసింది.

ఈ వాతావరణ పరిస్థితులు వారాంతం వరకు కొనసాగవచ్చని తెలిపింది. అలల ఎత్తు 3 నుండి 6 అడుగుల మధ్య ఉండవచ్చని, కొన్ని సమయాల్లో అవి 8 అడుగుల వరకు కూడా చేరే అవకాశం ఉందని వాతావరణ శాఖ తెలిపింది.  ఈ సమయంలో సముద్ర సంబంధిత కార్యకలాపాలకు దూరంగా ఉండాలని హెచ్చరించింది.