హైదరాబాద్: కార్మికుల జీవితాన్ని ప్రతిబింబించే భావోద్వేగ గీతంగా ‘భగవంతుడు’ చిత్రంలోని ‘సరణమన్న సరణం’ పాట ప్రేక్షకుల ముందుకు రానుంది. ప్రతి సాధనం ఒక ప్రార్థనగా, ప్రతి కార్మికుడు ఒక యోధుడిగా చూపించే ఈ గీతం ప్రత్యేక ఆకర్షణగా నిలవనుందని చిత్ర యూనిట్ తెలిపింది.

ఈ పాట మే 1న విడుదల కానుండగా, ఇప్పటికే సోషల్ మీడియాలో ఈ గీతంపై ఆసక్తి నెలకొంది. కార్మికుల కష్టసుఖాలు, వారి పోరాట స్ఫూర్తిని ప్రతిబింబించేలా ఈ పాటను రూపొందించినట్లు చిత్రబృందం పేర్కొంది.

‘భగవంతుడు’ సినిమా త్వరలోనే థియేటర్లలో విడుదలకు సిద్ధమవుతోందని ప్రొడ్యూసర్ రవి కుమార్ పనస తెలిపారు. ఈ చిత్రంలోని పాటలు, కథాంశం ప్రేక్షకుల్లో మంచి అంచనాలను పెంచుతున్నాయి.