దోహా: ఇంటర్నేషనల్ లేబర్ డే సందర్భంగా వర్కర్ సపోర్ట్ ఇన్సూరెన్స్ ఫండ్ మరియు కతర్ మినిస్ట్రీ ఆఫ్ లేబర్ ఆధ్వర్యంలో నిర్వహించిన ప్రత్యేక కార్యక్రమం ఘనంగా జరిగింది.ఈ కార్యక్రమంలో కతర్‌లో వివిధ రంగాల్లో సేవలందిస్తున్న సంస్థలు, ప్రముఖులను గుర్తించి “సేవ అవార్డులు” ప్రదానం చేశారు.

ఈ సందర్భంగా తెలంగాణకు చెందిన సుందరిగిరి శంకర్ గౌడ్ ని ఆయన చేసిన సామాజిక, కార్మిక సేవలకు గాను ప్రత్యేక అవార్డుతో సత్కరించారు. విదేశీ నేల పై తెలుగు కార్మికుల సంక్షేమం కోసం నిరంతరం కృషి చేస్తూ, సమాజానికి ఆదర్శంగా నిలుస్తున్న ఆయన సేవలను నిర్వాహకులు ప్రశంసించారు.

భవిష్యత్తులో కూడా ఇలాంటి సేవా కార్యక్రమాలు కొనసాగిస్తూ మరింత ఉన్నత స్థాయికి చేరుకోవాలని పలువురు శుభాకాంక్షలు తెలిపారు.

--రాజ్ కుమార్ వనంబత్తిన(మాగల్ఫ్ ప్రతినిధి,ఖతార్)