కోలీవుడ్ స్టార్ హీరో సూర్య న‌టిస్తున్న మూవీ విశ్వానాథ్ అండ్ స‌న్స్‌. టాలీవుడ్ ద‌ర్శ‌కుడు వెంకీ అట్లూరి డైరెక్ష‌న్‌లో ఈ చిత్రం తెర‌కెక్కుతోంది. లక్కీ భాస్క‌ర్ చిత్రం త‌రువాత వెంకీ అట్లూరి తెర‌కెక్కిస్తున్న మూవీ కావ‌డంతో ఈచిత్రంపై భారీ అంచ‌నాలే ఉన్నాయి.

ఇప్ప‌టికే ఈ చిత్రం నుంచి విడుద‌లైన ఫ‌స్ట్ లుక్‌, టీజ‌ర్‌లు ప్రేక్ష‌కుల‌ను ఆక‌ట్టుకున్నాయి. ఇక ఈ చిత్రం ఎప్పుడెప్పుడు రిలీజ్ అవుతుందా అని ఆస‌క్తిగా ఎదురుచూస్తుండ‌గా మూవీ యూనిట్ అదిరిపోయే అప్డేట్ ఇచ్చింది. ఆగ‌స్టు 14న ప్ర‌పంచ వ్యాప్తంగా ఈ చిత్రాన్ని ప్రేక్ష‌కుల ముందుకు తీసుకురానున్న‌ట్లు వెల్ల‌డించింది.

మ‌మితా బైజు క‌థానాయికగా న‌టిస్తుండ‌గా ర‌వీనా టాండ‌న్‌, రాధికా శ‌ర‌త్ కుమార్‌లు కీల‌క పాత్ర‌ల‌ను పోషిస్తున్నారు. సితార ఎంట‌ర్‌టైన్‌మెంట్స్‌, ఫార్చ్యూన్ ఫోర్ సినిమాస్ బ్యాన‌ర్ల‌పై సూర్య‌దేవ‌ర నాగ‌వంశీ ఈ చిత్రాన్ని నిర్మిస్తున్నారు. ఈ చిత్రానికి జీవి ప్ర‌కాష్ కుమార్ సంగీతాన్ని అందిస్తున్నాడు.