కువైట్: అల్ జౌర్ బీచ్‌లో తన కుటుంబంతో కలిసి ఈత కొడుతుండగా షార్క్ దాడి కారణంగా 11 ఏళ్ల కువైట్ బాలిక గాయపడింది.  ఆ బాలిక సముద్రంలో ఆడుకుంటుండగా, ఒక చిన్న రీఫ్ షార్క్ ఆమెపై దాడి చేసినట్లు ప్రత్యక్ష సాక్షులు తెలిపారు. ఈ దాడిలో ఆ బాలిక గాయపడినప్పటికీ ప్రాణాలతో బయటపడింది.

ఈ ఘటన బీచ్‌కు వచ్చిన వారిలో తీవ్ర భయాందోళనలను రేకెత్తించింది. చాలామంది నీటి నుంచి బయటకు పరుగులు తీశారు. వెంటనే అత్యవసర సేవలకు సమాచారం అందించగా, గాయపడిన బాలికకు వైద్య సహాయం అందించడానికి అంబులెన్స్ సిబ్బంది ఘటనా స్థలానికి చేరుకున్నారు.

ఆ బాలికను చికిత్స కోసం తరలించగా, అధికారులు ఈ ఘటనకు సంబంధించి విచారణ ప్రారంభించారు. అయితే, ఈ ఘటనపై ఇంకా అధికారికంగా వివరాలు వెల్లడి కావల్సి ఉంది.