కువైట్: భద్రతా డైరెక్టరేట్ల విభాగాధిపతి మేజర్ జనరల్ హమద్ అహ్మద్ అల్-మనాఫీ.. కువైట్ ఫైర్ ఫోర్స్ , కువైట్ మునిసిపాలిటీ, విద్యుత్, జల మరియు పునరుత్పాదక ఇంధన మంత్రిత్వ శాఖ, మరియు ఆరోగ్య మంత్రిత్వ శాఖ అత్యవసర వైద్య విభాగం ప్రతినిధుల సమక్షంలో హుస్సేనియాల అధికారులు మరియు ప్రతినిధులతో ఒక సమన్వయ సమావేశం నిర్వహించారు. రాబోయే మొహర్రం మాసానికి సంబంధించిన సన్నాహాలను సమీక్షించడానికి ఈ సమావేశం జరిగింది.

హుస్సేనియాల నిర్దేశిత సరిహద్దుల వెలుపల జెండాలు లేదా బ్యానర్‌లను ఎగురవేయడాన్ని నిషేధించడం, భద్రతా అవసరాలకు అనుగుణంగా వంట కార్యకలాపాలను కేవలం పాఠశాలలకే పరిమితం చేయడం, సమావేశాలు హుస్సేనియా ప్రాంగణంలోనే జరిగేలా మరియు సంస్థాగత ప్రయత్నాలకు మద్దతుగా అంతర్గత వ్యవహారాల మంత్రిత్వ శాఖ సిబ్బందితో సహకారాన్ని బలోపేతం చేయడం,నిధుల సేకరణ కార్యకలాపాలను సామాజిక వ్యవహారాల మంత్రిత్వ శాఖ కింద అధికారికంగా ఆమోదించబడిన మార్గాలకే పరిమితం చేయడం వంటివి ఉన్నాయి.
మరో ఘటనలో, ప్రథమ ఉప ప్రధాన మంత్రి మరియు అంతర్గత వ్యవహారాల మంత్రి షేక్ ఫహద్ అల్-యూసెఫ్ అల్-సబాహ్.. నేర పరిశోధన విభాగానికి చెందిన నలుగురు సిబ్బందికి వారి అత్యుత్తమ పనితీరు మరియు అంకితభావానికి గుర్తింపుగా అసాధారణ పదోన్నతులు మంజూరు చేశారు. ముఖ్యంగా సెంట్రల్ జైలు నుండి తప్పించుకున్న ఖైదీల అరెస్టులో సహాయపడటంలో వారు పోషించిన పాత్రను అభినందించారు. అనంతరం షేక్ ఫహద్, ఇరాన్ దాడిలో గాయపడి ఫర్వానియా ఆసుపత్రిలో చికిత్స పొందుతున్న అయెద్ అల్-ఒతైబి మరియు ఇతర వ్యక్తులను కూడా పరామర్శించారు.