రియాద్: కింగ్ అబ్దుల్ అజీజ్ రాయల్ రిజర్వ్ డెవలప్‌మెంట్ అథారిటీ రిజర్వ్ జీవవైవిధ్య జాబితాలో తొలిసారిగా 34 కొత్త పక్షి జాతులను చేర్చినట్లు నమోదు చేసింది. దీంతో, నమోదైన మొత్తం పక్షి జాతుల సంఖ్య 225కు పెరిగాయి. రిజర్వ్‌లో నమోదైన పక్షి జాతుల వైవిధ్యంలో ఇది 15 శాతం పెరుగుదల అని రిజర్వ్ అథారిటీ తెలిపింది. రిజర్వ్ సరిహద్దుల్లో క్షేత్రస్థాయి పర్యవేక్షణ సామర్థ్యాన్ని నిరంతరం మెరుగుపరుస్తున్నామని, జీవవైవిధ్య నమోదులో కచ్చితత్వాన్ని పెంచడంతో ఈ విజయం సాధ్యమైందని అథారిటీ వివరించింది. రిజర్వ్ పర్యావరణ పర్యవేక్షణ కార్యక్రమాలు వేగవంతమవుతున్నాయని, ఈ కొత్త ఆవిష్కరణలు ఆ విషయాన్ని ప్రతిబింబిస్తున్నాయని అథారిటీ ప్రతినిధి అబ్దుల్ అజీజ్ అల్-ఫురైహ్ తెలిపారు.
మొట్టమొదటిసారిగా నమోదు చేసిన ముఖ్యమైన జాతులలో రూపెల్ రాబందు, అరుదైన రెడ్ ఫాలరోప్,  పెక్టోరల్ సాండ్‌పైపర్ ఉన్నాయి. వీటితో పాటు రోజ్-కలర్డ్ స్టార్లింగ్, ఎల్లో వాగ్‌టెయిల్, యూరేషియన్ స్కైలార్క్,  సాంగ్ థ్రష్ వంటి వలస మరియు అరుదైన పక్షులు కూడా ఉన్నాయని తెలిపారు.IUCN రెడ్ లిస్ట్‌లో అధిక పరిరక్షణ విలువ కలిగిన జాతుల నమోదును కూడా ధృవీకరించారు. వీటిలో ముఖ్యంగా, తీవ్రంగా అంతరించిపోతున్న జాబితాలో ఉన్న ఆఫ్రికన్ రాబందుతో పాటు అంతరించిపోయే ప్రమాదం అంచున ఉన్న వెస్ట్రన్ ఓర్ఫియన్ వార్బ్లర్ మరియు వైట్-వింగ్డ్ లార్క్ వంటి జాతులు కూడా ఉన్నాయని వివరించారు.