ఈ నాగరిక ప్రపంచంలో సినిమాకు గ్లోబల్ ప్రచారం చాలా అవసరమైందని చెప్పక తప్పదు. ఒక తమిళ సినిమా ప్రపంచ స్థాయికి దూసుకుపోతోందని ప్రత్యేకంగా చెప్పనక్కర్లేదు. అలా చెన్నై 2 సింగపూర్ చిత్రం ఆరు దేశాల్లో ప్రచారానికి సిద్ధమైంది. అందుకు పాటలను, ప్రచార చిత్రాన్ని వాడుకోనుంది. చిత్ర యూనిట్ చెన్నై నుంచి మధ్యలో నాలుగు దేశాలను కలుపుకుని రోడ్డు ప్రయాణంలో సింగపూర్‌కు చేరుకోనున్నారు.అందుకు గురువారం శ్రీకారం చుట్టారు. కామిక్ బుక్ ఫిలింస్ ఇండియా ప్రైవేట్ లిమిటెడ్ పతాకంపై కే.ఆనందన్ నిర్మిస్తున్న చిత్రం చెన్నై 2 సింగపూర్. షబ్బీర్ సహ నిర్మాతగా వ్యవహరిస్తున్న ఈ చిత్రానికి అబ్బాస్ అక్బర్ దర్శకుడు. గోకుల్ ఆనంద్, అంజుకురియన్, రాజేశ్ బాల చంద్రన్, ఎంసీ.జేస్ ప్రధాన పాత్రలు పోషిస్తున్న ఈ చిత్రానికి కార్తీక్ నలముత్తు చాయగ్రహణం, జిబ్రాన్ సంగీతాన్ని అందిస్తున్నారు. ఈ చిత్రంలోని తొలి పాటను చెన్నైలోని సత్యం థియేటర్‌లో గురువారం ఆవిష్కరించారు. అనంతరం ఇతర ఐదు దేశాల్లో ఐదు పాటలను ఆవిష్కరించడానికి రోడ్డు పయాణానికి గురువారం శ్రీకారం చుట్టారు. దీనికి నటుడు సూర్య జెండా ఊపి ఒక కొత్త ప్రయత్నానికి రెడీ అవుతున్న చిత్ర యూనిట్‌కు శుభాకాంక్షలు తెలిపారు. చిత్రం యూనిట్ చెన్నైలో బయలుదే రి బూటాన్, మయన్మార్, థాయ్‌ల్యాండ్, మలేషియా దేశాల మీదుగా సింగపూర్ చేరుకుంటుందని చిత్ర వర్గాలు వెల్లడించారు. ఈ పయనం మొత్తం 20 రోజులు సాగుతుందని తెలిపారు.