దోహా: అమెరికాలో నేరారోపణలు ఎదుర్కొంటూ తప్పించుకు తిరుగుతున్న  ఓ ఆసియా వ్యక్తిని ఆ దేశ అధికారులకు అప్పగించినట్లు ఖతార్ అంతర్గత మంత్రిత్వ శాఖ (MoI) వెల్లడించింది. లెఖ్వియా (Lekhwiya) సెక్యూరిట ఫోర్సెస్, అమెరికా ఫెడరల్ బ్యూరో ఆఫ్ ఇన్వెస్టిగేషన్ (FBI), అలాగే ఇంటర్‌పోల్ (INTERPOL) సహకారంతో చేపట్టిన సంయుక్త భద్రతా ఆపరేషన్‌లో భాగంగా ఆసియా దేశానికి చెందిన ఒక వాంటెడ్ వ్యక్తిని అదుపులోకి తీసుకున్నట్లు తెలిపింది.  ఈ మేరకు మంత్రిత్వ శాఖ ఒక ప్రకటన విడుదల చేసింది. 

సదరు వ్యక్తిపై అంతర్జాతీయ స్థాయిలో కార్యకలాపాలు నిర్వహించే క్రిమినల్ ముఠాలకు సంబంధించిన పలు తీవ్రమైన క్రిమినల్ కేసులు నమోదయ్యాయని మంత్రిత్వ శాఖ తెలిపింది.  

నేరగాళ్ల అప్పగించ కార్యక్రమం అంతర్జాతీయ భద్రతా సహకారం, మిత్రదేశాలతో సమన్వయానికి నిదర్శనమని ఖతార్ అంతర్గత మంత్రిత్వ శాఖ పేర్కొంది. అంతర్జాతీయ వ్యవస్థీకృత నేరాలను ఎదుర్కోవడంలో విశ్వసనీయ భాగస్వామిగా ఖతార్ తన స్థానాన్ని మరింత బలోపేతం అవుతుందని, అలాగే అంతర్జాతీయ న్యాయ వ్యవస్థకు మద్దతు అందించేందుకు దేశీయ చట్టాలు, అంతర్జాతీయ ఒప్పందాలు మరియు అమల్లో ఉన్న న్యాయ విధానాలకు అనుగుణంగా పనిచేస్తున్నట్లు మంత్రిత్వశాఖ స్పష్టం చేసింది.