కువైట్ సిటీ: సీఎన్‌బీసీ అరేబియా ప్రకటించిన 2026 టాప్-100 సీఈఓల జాబితాలో కువైట్‌కు చెందిన ఎనిమిది మంది ప్రముఖ వ్యాపార నేతలు చోటు దక్కించుకున్నారు. వారి సమర్థ నాయకత్వం, సంస్థల ఆర్థిక పురోగతి, సరికొత్త ఆవిష్కరణలు, ప్రాంతీయ ఆర్థికాభివృద్ధికి చేసిన కృషిని గుర్తిస్తూ ఈ గౌరవం లభించింది.

ఈ జాబితాలో నేషనల్ బ్యాంక్ ఆఫ్ కువైట్ (NBK) సీఈఓ ఇస్సామ్ అల్-సాగర్,  కువైట్ ఫైనాన్స్ హౌస్ (KFH) సీఈఓ ఖాలిద్ అల్-షమ్లాన్, కమర్షియల్ బ్యాంక్ ఆఫ్ కువైట్ (CBK) సీఈఓ ఎల్హామ్ మహ్‌ఫౌజ్,  జైన్ గ్రూప్ వైస్ చైర్మన్, గ్రూప్ సీఈఓ బదర్ అల్-ఖరాఫీ,  బోర్సా కువైట్ సీఈఓ మొహమ్మద్ అల్-ఒసైమీ, జజీరా ఎయిర్‌వేస్ సీఈఓ భరతన్ పసుపతి, మబానీ సీఈఓ వలీద్ అల్-షురాయాన్, అజిలిటీ చైర్‌పర్సన్ హనాది అల్-సాలెహ్ చోటు దక్కించుకున్నారు. 

సీఎన్‌బీసీ అరేబియా తెలిపిన వివరాల ప్రకారం.. సంస్థల ఆర్థిక పనితీరు, ఆర్థిక వ్యవస్థపై ప్రభావం, వినూత్నత, కార్పొరేట్ గవర్నెన్స్, సుస్థిర అభివృద్ధి వంటి ఐదు ప్రధాన ప్రమాణాలను పరిగణనలోకి తీసుకుని జాబితాను రూపొందించారు.    

ఈ ఏడాది టాప్-100 జాబితాలో బ్యాంకింగ్, పెట్టుబడులు, ఇంధనం, టెక్నాలజీ, ఏఐ, రియల్ ఎస్టేట్, ఆరోగ్య రంగం, రిటైల్, లాజిస్టిక్స్, టెలికమ్యూనికేషన్స్, మ్యానుపాక్చరింగ్, ఏవియేషన్, ఫిన్‌టెక్ తదితర 11 కీలక రంగాలకు చెందిన బిజినెస్ లీడర్లు చోటు దక్కించుకున్నారు.