కువైట్ సిటీ: కువైట్ పై ఇరాన్ మళ్లీ దాడులు తెగబడింది. కువైట్ వైమానిక రక్షణ వ్యవస్థలు శుక్రవారం ఉదయం శత్రు మిస్సైల్స్, డ్రోన్లను విజయవంతంగా అడ్డుకున్నట్లు కువైట్ సైన్యం జనరల్ స్టాఫ్ ప్రకటించింది. ఈ మేరకు ఒక ప్రకటన విడుదల చేసింది.  వాటిని అడ్డుకునే క్రమంలో పేలుళ్ల శబ్దాలు వస్తాయని, ప్రజలు ఆందోళన చెందాల్సిన అవసరం లేదని పేర్కొంది.

ప్రస్తుతం రక్షణ చర్యలు కొనసాగుతున్న నేపథ్యంలో ప్రజలు ప్రశాంతంగా ఉండాలని, సంబంధిత అధికారులు జారీ చేస్తున్న భద్రతా సూచనలను తప్పనిసరిగా పాటించాలని సైన్యం విజ్ఞప్తి చేసింది. అలాగే, పరిస్థితిని ఎప్పటికప్పుడు పర్యవేక్షిస్తున్నామని, దేశ భద్రతకు ఎలాంటి ముప్పు తలెత్తకుండా అన్ని అవసరమైన చర్యలు తీసుకుంటున్నామని కువైట్ సైన్యం పేర్కొన్నది.