అల్ బురైమి: లైసెన్స్ లేని యాప్‌ల ద్వారా విదేశాలకు నగదు బదిలీలు నిర్వహిస్తున్న ఓ ఆసియా ప్రవాసుడిని ఒమన్ పోలీసులు అరెస్ట్ చేశారు. ప్రవాస కార్మికుల తరఫున ఈ బదిలీలు నిర్వహిస్తూ ఆర్థిక లాభం పొందుతున్నట్లు గుర్తించారు.

అల్ బురైమి గవర్నరేట్ పోలీస్ కమాండ్ నిర్వహించిన తనిఖీల్లో నిందితుడి కార్యకలాపాలు వెలుగులోకి వచ్చినట్లు రాయల్ ఒమన్ పోలీసులు తెలిపారు. లైసెన్స్ లేని అప్లికేషన్లను ఉపయోగించి అంతర్జాతీయ నగదు బదిలీలు నిర్వహించినందుకు అతడిని అదుపులోకి తీసుకున్నట్లు పేర్కొన్నారు. నిందితుడిపై తదుపరి చట్టపరమైన చర్యలు కొనసాగుతున్నాయని రాయల్ ఒమన్ పోలీసులు వెల్లడించారు.