చెన్నై: తమిళనాడు అసెంబ్లీ వేదికగా ముఖ్యమంత్రి విజయ్ ఎమ్మెల్యేల సంక్షేమం మరియు నియోజకవర్గాల అభివృద్ధిని దృష్టిలో ఉంచుకుని సంచలన ప్రకటన చేశారు. రాష్ట్రంలోని ఎమ్మెల్యేలందరికీ నూతన కార్లను సమకూర్చడంతో పాటు వారి వాహన, కార్యాలయ నిర్వహణకు ప్రత్యేక నెలవారీ భత్యాలను ప్రకటించారు.

 ప్రభుత్వ నిర్ణయం–ప్యాకేజీ వివరాలు

ప్రజలకు వేగవంతమైన సేవలు అందించడానికి, నియోజకవర్గాల్లో నిరంతరం పర్యటించేందుకు వీలుగా ఎమ్మెల్యేలందరికీ కొత్త కార్లు అందజేయనున్నారు. కారు డ్రైవర్ జీతం, ఇంధనం మరియు ఇతర నిర్వహణ ఖర్చుల నిమిత్తం ప్రతి నెలా రూ.75,000 చొప్పున భత్యం అందిస్తారు.ఎమ్మెల్యే ఆఫీస్ అసిస్టెంట్ జీతభత్యాల కోసం నెలకు రూ.25,000 కేటాయిస్తారు. సరైన వాహన సదుపాయం లేకపోవడం వల్ల నియోజకవర్గంలో సరిగా పర్యటించలేకపోతున్నామని VCK ఎమ్మెల్యే జ్యోతిమణి అసెంబ్లీలో ప్రస్తావించగా, సీఎం విజయ్ తక్షణమే స్పందించి ఈ నిర్ణయం తీసుకున్నారు.