పవన్ కళ్యాణ్ బర్త్ డే సందర్భంగా ఆయన నటిస్తున్న మోస్ట్ అవైటెడ్ ప్రాజెక్ట్ ‘OG’ మేకర్స్ ఒక ప్రత్యేక యానిమేషన్ వీడియోను విడుదల చేశారు. పవన్ కళ్యాణ్ శక్తివంతమైన పాత్రను ప్రతిబింబించేలా తీర్చిదిద్దిన యానిమేషన్ విజువల్స్, అద్భుతమైన షాట్స్ అభిమానులను విశేషంగా ఆకట్టుకుంటున్నాయి. ఈ కాన్సెప్ట్ వీడియోతో ‘OG యూనివర్స్’ స్థాయి ఏంటో నిర్మాతలు చెప్పకనే చెప్పారు. యానిమేషన్ లుక్ మరియు పవన్ స్టైలిష్ ప్రెజెన్స్ సోషల్ మీడియా వేదికగా రికార్డు స్థాయి వ్యూస్‌తో దూసుకుపోతున్నాయి.

సుజీత్ మేకింగ్–తమన్ బిజిఎమ్ మ్యాజిక్

యువ దర్శకుడు సుజీత్ ఎంతో ప్రతిష్టాత్మకంగా తెరకెక్కిస్తున్న ఈ చిత్రానికి మ్యూజిక్ సెన్సేషన్ తమన్ అందించిన బ్యాక్‌గ్రౌండ్ మ్యూజిక్ (BGM) ప్రధాన ఆకర్షణగా నిలిచింది. తనదైన మార్క్ ఎలివేషన్ సంగీతంతో వీడియోలోని ప్రతి ఫ్రేమ్‌ను థ్రిల్లింగ్‌గా మార్చేశారు. సుజీత్ టేకింగ్, తమన్ సంగీతం కాంబినేషన్‌లో వస్తున్న ఈ ప్రాజెక్టుపై అంచనాలు ఒక్కసారిగా ఆకాశాన్ని తాకాయి. ఈ స్పెషల్ ట్రీట్ పవన్ కళ్యాణ్ అభిమానులకు బర్త్ డే వేడుకల్లో అసలైన ఉత్సాహాన్ని నింపింది.