మస్కట్‌: ఒమన్‌లోని అల్‌ వుస్తా గవర్నరేట్‌ పరిధిలో పడవ ప్రమాదానికి గురైంది. అల్‌ దుక్మ్‌ విలాయత్‌లోని ఓ బీచ్‌ తీరంలో రాళ్లను ఢీకొనడంతో పడవ దెబ్బతిని, సముద్ర తీరానికి మరియు రాతి ప్రాంతానికి మధ్య చిక్కుకుపోయింది. ఈ ఘటనలో పడవలో ఉన్న పలువురు పౌరులకు రాయల్‌ ఒమన్‌ పోలీస్‌ (ROP) కోస్ట్‌గార్డ్‌ సిబ్బంది సహాయం అందించారు.

రాయల్‌ ఒమన్‌ పోలీసుల వివరాల ప్రకారం.. అల్‌ వుస్తా గవర్నరేట్‌ కోస్ట్‌గార్డ్‌ సిబ్బందికి పడవ ప్రమాదం గురించి సమాచారం అందింది. దీంతో వెంటనే స్పందించిన సిబ్బంది, పడవలో ఉన్నవారికి అవసరమైన సహాయాన్ని అందించారు. రాళ్లను ఢీకొనడంతో పడవ దెబ్బతిని, తీరానికి సమీపంలోని రాతి ప్రాంతం వద్ద నిలిచిపోయినట్లు అధికారులు తెలిపారు. పడవలో ఉన్న పౌరులకు అవసరమైన సహాయం అందించినట్లు వెల్లడించారు. ఈ ఘటనకు సంబంధించి ఇతర వివరాలను అధికారులు వెల్లడించలేదు.