ఇటు హీరోగా అటు కొరియోగ్రాఫర్ గా, మరో వైపు దర్శకుడిగా ఇలా అన్ని రంగాలలో సత్తా చాటుతున్నారు ఇండియన్ మైకేల్ జాక్సన్ ప్రభుదేవా. కేవలం సౌత్ లోనే కాదు నార్త్ లోను ప్రభుదేవాకి ఫుల్ ఫ్యాన్ ఫాలోయింగ్ ఉంది. ఈ హీరో నటించిన, తీసిన సినిమాలకు మంచి ఆదరణ లభించడంతో ప్రభుదేవాకి క్రేజ్ మరింత పెరిగిపోయింది. ప్రస్తుతం ప్రభుదేవా అంటే ఒక బ్రాండ్. ఆ బ్రాండ్ వాల్యూ ని ప్రభుదేవా కూడా బాగానే ఉపయోగించుకుంటున్నాడు. తాజాగా ప్రభుదేవా పేరిట యాప్ రావడం విశేషం. ప్రభుదేవా.కామ్ అనే వెబ్ సైట్ నుంచి ఆ యాప్ ని డౌన్ లోడ్ చేసుకొనే అవకాశం ఉండగా అందులో ప్రభుదేవాకు సంబంధించి అరుదైన ఫొటోలు, పాటలు అన్ని ఉంటాయట. ఇంక ప్రభుదేవా చేయబోయే సినిమాల అప్ డేట్స్ కూడా తెలుసుకోవచ్చు.ఇంక ఈ కొరియోగ్రాఫర్ డ్యాన్స్ రిహార్సల్స్ తో పాటు కొన్ని ప్రత్యేకమైన వీడియోలు కూడా అందుబాటులో ఉంచుతాడట. ప్రభుదేవా కెరీర్ కు సంబంధించిన పూర్తి వివరాలు ఈ యాప్ ద్వారా తెలుసుకోవచ్చట. ప్రస్తుతం ఈ యాప్ కి మంచి రెస్పాన్స్ వస్తోండడంతో ప్రభుదేవా సంతోషం వ్యక్తం చేశాడు ప్రభుదేవా. రానున్న రోజుల్లో ఈ యాప్ డౌన్ లోడ్స్ జోరుగా సాగుతాయని చెబుతున్నారు.