సరైనోడుగా ఈ ఏడాది ప్రేక్షకుల ముందుకు వచ్చి అలరించిన స్టైలిష్‌ స్టార్‌ అల్లు అర్జున్‌ ఇప్పుడు దువ్వాడ జగన్నాథమ్‌(డీజే)గా రాబోతున్నాడు. హరీశ్‌ శంకర్‌ దర్శకత్వం వహిస్తున్న ఈ చిత్ర షూటింగ్‌ సోమవారం లాంఛనంగా ప్రారంభమైంది. నిర్మాత అల్లు అరవింద్‌ తొలి సన్నివేశానికి క్లాప్‌నిచ్చారు. వీవీ వినాయక్‌, వంశీ పైడిపల్లి, శ్యామ్‌ప్రసాద్‌రెడ్డి చిత్ర బృందానికి అభినందనలు తెలిపారు. ఈ విషయాన్ని నిర్మాత దిల్‌రాజు ఫేస్‌బుక్‌ ద్వారా వెల్లడిస్తూ ఫొటో పోస్ట్‌చేశారు. ఈ సినిమాకి దేవీశ్రీ ప్రసాద్‌ సంగీతాన్ని సమకూరుస్తున్నారు. .