పొరుగు దేశమైన పాకిస్థాన్‌ అప్పుల వూబిలో కూరుకుపోతోంది. ప్రస్తుత ఆర్థిక సంవత్సరం మొదటి నెలలో ఎన్నడులేనంతగా దాదాపు 74 ట్రిలియన్‌ (740లక్షల కోట్లు) రూపాయలకు విదేశీ అప్పులు చేరుకున్నాయి. ఈ విషయాన్ని ఆ దేశ సెంట్రల్‌ బ్యాంక్‌ తెలియజేసింది. ఈ అప్పు గత నాలుగేళ్లలో దాదాపు 11.15 ట్రిలియన్‌ రూపాయలు పెరిగింది. 2013 జులైలో ఈ దేశ అప్పులు 61.9 బిలియన్‌ డాలర్లుగా ఉన్నాయి. తర్వాత ప్రతి ఏటా అప్పులు కొండలాగా పెరిగి పోతూనే ఉన్నాయి. అక్కడ ఆర్థిక పరిస్థితి అంతకంతకు దిగజారిపోతోంది. ప్రస్తుతం ఉన్న 74ట్రిలియన్లు ఆ దేశ చరిత్రలోనే అత్యధిక అప్పుగా నిలిచిపోయాయి.