రీ మేక్‌ చిత్రాలు అచ్చొచ్చిన కథానాయకుల జాబితాలో అల్లరి నరేష్‌ ఒకరు. తమిళం, కన్నడం, మలయాళం భాషల్లో విజయవంతమైన పలు కథల్లో నటించి ప్రేక్షకుల్ని అలరించారాయన. త్వరలో మలయాళ చిత్రం 'ఒరు వడక్కన్‌ సెల్ఫీ' రీమేక్‌లో నటించబోతున్నారు. అనీష్‌ కృష్ణ దర్శకుడు.బొప్పన చంద్రశేఖర్‌ నిర్మాత. అక్టోబరులో చిత్రీకరణ ప్రారంభమవుతుంది. నిర్మాత మాట్లాడుతూ ''వినోదం, మానవీయ అనుబంధాలకి పెద్దపీట వేసి తెరకెక్కించిన 'ఒరు వడక్కన్‌ సెల్ఫీ' మలయాళంలో విజయం సాధించింది. అలాంటి ఓ మంచి చిత్రాన్ని మేం తెలుగులో రీమేక్‌ చేస్తుండడం ఆనందంగా ఉంద''న్నారు.