క్రియేటివ్‌ దర్శకుడు రామ్‌గోపాల్‌ వర్మ తెరకెక్కించిన సర్కార్‌, సర్కార్‌ రాజ్‌ చిత్రాలు అద్భుత విజయాలు అందుకొన్నాయి. ఇప్పుడు 'సర్కార్‌-3'ని రూపొందించే పనిలో ఉన్నారాయన. ఈ చిత్రంలో ఎవరెవరు నటిస్తున్నారో వారి పాత్రల పేర్లతో సహా వర్మ ట్విట్టర్‌ ద్వారా వెల్లడించారు. పనిలో పనిగా దిల్లీ ముఖ్యమంత్రి అరవింద్‌ కేజ్రీవాల్‌పై వివాదాస్పద వ్యాఖ్యలు కూడా చేశారు.
అమితాబ్‌ బచ్చన్‌: సుభాష్‌ నాగ్రే పాత్రలో ముఖ్య భూమిక పోషిస్తున్నారు.
యామీ గౌతమ్‌: తండ్రిని చంపిన సర్కార్‌పై పగతీర్చుకునే యువతి అన్ను కర్కారే పాత్రలో నటిస్తోంది.

మనోజ్‌ బాజ్‌పాయ్‌: గోవింద్‌ సర్కార్‌కి శత్రువుగా గోవింద్‌ దేశ్‌పాండే పాత్రలో నటిస్తున్నారు.
రోనిత్‌ రాయ్‌: సర్కార్‌కి కుడి భుజంగా గోకుల్‌ సతమ్‌ పాత్ర పోషిస్తున్నారు.
అమిత్‌ సాధ్‌: పొగరు, వాలటైల్‌ ఉండే శివాజీ అలియాస్‌ చీకూ పాత్రలో నటిస్తున్నారు.
జాకీ ష్రాఫ్‌: సర్‌ అనే పాత్రలో జాకీ నటిస్తున్నారు.
భరత్‌ దబోల్కర్‌: గోరఖ్‌ రాంపూర్‌ అనే మంత్రి క్యారెక్టర్‌ చేస్తున్నారు.
రోహిణి హట్టంగడి: రుక్కు బాయ్‌దేవి అనే విలన్‌ పాత్రలో రోహిణి కన్పించనున్నారు.
అయితే సినిమా స్టోరీలో చాలా మార్పులు చేయడంతో ఇందులో అభిషేక్‌, ఐశ్వర్యలు నటించడంలేదని పేర్కొన్నారు. ఈ సందర్భంగా వర్మా దిల్లీ ముఖ్యమంత్రి అరవింద్‌ కేజ్రీవాల్‌పై వివాదాస్పద కామెంట్స్‌ చేశారు. ' మనోజ్‌ బాజపాయ్‌ చాలా బాగా నటిస్తున్నారు.. కానీ అరవింద్‌ కేజ్రీవాల్‌ కంటే మంచి నటుడైతే కాదు' అంటూ ట్వీట్‌ చేశారు వర్మ.