మస్కట్‌: ఒమన్‌ ఇంటర్నేషనల్‌ ఎగ్జిబిషన్‌ సెంటర్‌లో రాయల్‌ ఒమన్‌ పోలీసులు ట్రాఫిక్‌ సేఫ్టీ ఎగ్జిబిషన్‌ ప్రారంభించారు. ఇది ఐదో ఎడిషన్‌ ఎగ్జిబిషన్‌. మస్కట్‌ మునిసిపల్‌ ఛైర్మన్‌ మొహమ్మద్‌ అల్‌ షేక్‌ ఈ ఎగ్జిబిషన్‌ని ప్రారంభించడం జరిగింది. ఈ కార్యక్రమానికి లెఫ్టినెంట్‌ జనరల్‌ హస్సన్‌ బిన్‌ మొహిసిన్‌ అల్‌ షరికి (ఇన్‌స్పెక్టర్‌ జనరల్‌ ఆఫ్‌ పోలీస్‌ మరియు కస్టమ్స్‌) కూడా హాజరయ్యారు. రోడ్‌ సేఫ్టీపై అవగాహన కల్పించేందుకోసం 2010లో సుల్తాన్‌ కబూస్‌ బిన్‌ సైద్‌ సూచనల మేరకు ఎగ్జిబిషన్‌ ప్రారంభించడం జరిగిందనీ, ప్రతీయేటా ఈ ఎగ్జిబిషన్‌ని నిర్వహిస్తున్నామని ట్రాఫిక్‌ సేఫ్టీ ఎగ్జిబిషన్‌ ఆర్గనైజింగ్‌ కమిటీ ఛైర్మన్‌ కల్నల్‌ అలి బిన్‌ సలిమ్‌ అల్‌ ఫలాహి చెప్పారు. మూడు రోజులపాటు అక్టోబర్‌ 18 నుంచి 20 వరకు ఈ ఎగ్జిబిషన్‌ జరుగుతుంది. 13 ప్రభుత్వ శాఖలు, ప్రైవేటు మరియు సివిల్‌ సొసైటీ ఆర్గనైజేషన్స్‌ ఈ ఎగ్జిబిషన్‌లో పాల్గొంటున్నాయి. ట్రాఫిక్‌ రూల్స్‌పై అవగాహన పెంచుకోవడం ద్వారా రోడ్డు ప్రమాదాలను నివారించవచ్చునని ఈ సందర్భంగా అధికారులు, నిర్వాహకులు, పాల్గొన్నవారు పేర్కొన్నారు.