వరుస సినిమాల విజయాలతో హీరో నాని దూసుకుపోతున్నాడు. ప్రస్తుతం దిల్ రాజు నిర్మాణంలో 'నేను లోకల్' సినిమా చేస్తోన్న నాని ఆ తరువాత శివశంకర్ దర్శకత్వంలో మరో సినిమా చేయనున్నాడు. ఈ సినిమాలో కథానాయికగా నివేదా థామస్ ను ఎంపిక చేసినట్టుగా వార్తలు షికారు చేస్తున్నాయి. కోన ఫిల్మ్ కార్పొరేషన్, డీవీవీ ఎంటర్టైన్మెంట్స్ సంయుక్తంగా ఈ సినిమాను నిర్మించనున్నారు. 'నేను లోకల్' సినిమాను డిసెంబర్లో విడుదల చేయనున్నారు. అదే నెలలో శివశంకర్ దర్శకత్వంలోని సినిమా మొదలుకానుంది.