'ప్రేమమ్' సినిమా ఘనవిజయాన్ని సాధించడంతో నాగచైతన్య మంచి జోష్‌లో ఉన్నాడు. ఈ ఉత్సాహంతో ఆయన వరుస సినిమాలు చేయడానికి రెడీ అవుతున్నాడు. ఇప్పటికే ఆయన కల్యాణ్ కృష్ణ దర్శకత్వంలో ఒక సినిమా, ఆ తరువాత కొత్త దర్శకుడు కృష్ణతో మరో సినిమా చేయనున్నాడు. అలాగే ఇంద్రగంటి మోహనకృష్ణ దర్శకత్వంలో ఒక సినిమా చేయడానికి గ్రీన్ సిగ్నల్ ఇచ్చాడు. తాజాగా చైతూకి శ్రీను వైట్ల ఒక కథ చెప్పాడట. రొమాంటిక్ యాక్షన్ ఎంటర్టైనర్ నేపథ్యంలో నడిచే ఈ కథ చైతూకి నచ్చడంతో ఆయన ఓకే చెప్పేశాడని అంటున్నారు. ఏడాదికి రెండేసి సినిమాల చొప్పున ఈ నాలుగు సినిమాలను పూర్తిచేయాలనే ఆలోచనలో చైతూ వున్నాడని చెబుతున్నారు.