మెగాస్టార్‌ చిరంజీవి 'బాహుబలి 2' షూటింగ్‌ సెట్లో అకస్మాత్తుగా ప్రత్యక్షమై అందరినీ ఆశ్చర్యపరిచారు. 'బాహుబలి' ప్రభాస్‌, దర్శకుడు రాజమౌళి ఆప్యాయంగా ఆయనను ఆహ్వానించారు. సినిమా విశేషాలను చిరు అడిగి తెలుసుకున్నారు.చిరంజీవి నటిస్తున్న 'ఖైదీ నంబర్‌ 150', 'బాహుబలి 2' సినిమాల షూటింగ్‌ రామోజీ ఫిల్మ్‌ సిటీలో జరుగుతున్నాయి. ఈ విషయం తెలిసి చిరంజీవి తన సెట్‌ నుండి ప్రత్యేకంగా 'బాహుబలి 2' సెట్‌కు వెళ్ళి కొద్దిసేపు గడిపారు.గతంలో చిరంజీవి తనయుడు రామ్‌ చరణ్‌ నటించిన 'మగధీర' చిత్రానికి రాజమౌళి దర్శకత్వం వహించన విషయం తెలిసిందే. అంతేకాదు సూపర్‌హిట్‌ మూవీ 'ఘరానా మొగుడు' పాటని ఇందులో రాజమౌళి రీమిక్స్‌ చేశారు.ఆ పాటలో కొద్దిసేపు కనిపించిన చిరంజీవి డాన్స్‌ కూడా చేశారు. మళ్ళీ చిరంజీవి, రాజమౌళి కలయికలో మరో సినిమా వస్తే చూడాలని అభిమానులు ఆశిస్తున్నారు.